HK -> Rera Outlet -> Niseko Landmark View
2010 第二擊 —-> 道北東京 17 日
即將要展開*道北東京17日*之旅啦! 但昨晚仍舊去 Monster Sushi 開餐, 哈哈哈….. 真的過份
NH 1276: 0100 準時起飛啦!!!
記得上次去意大利玩了 16日14夜, 今次多1日! 是我們最長的旅行! 很興奮哦…. 
今次籌備了兩個半月! 希望一切順利啦! 
今日 A21 出奇地快, 不用60mins 就到達雞場啦!
Check In 又好快… 但快又點呢 ?
未夠 2300, 很多店舖都打烊了! 
唯有早少少入去禁區 Duty Free 啦! 突然看到一班女人圍著一個櫃檯大聲講細聲笑喎, 我就行過去八下啦! 
哦….. 原來是雪花秀! 大家都在拚命試試試, 哈哈哈…. 
幾千蚊細細樽喎! 當然用個夠本啦! 嘻嘻… 那我又貪得意隻隻試啦! 哈哈… ( 還是第一次這麼無聊, 無辦法! 太悶啦! ) 話說我們只有 60mins 轉雞, 當航班安全抵達羽田雞場之後, 我們便以 9秒9 速度盡快落雞啦!
辦理好入境手續之後就看到一位姊姊拿著 NH 51 的紙牌四圍走啦! 
原來她負責點人數呀! ( 放心哂!! ) 取回行李後, 姊姊便給我們一張轉雞方法的字條, 然後帶著我們上巴士為止! 很貼心的服務哦! 
記得上年帶婆婆來北海道時要自己摸呀! 
上次都趕到, 今次又點要 Worry 呢?! 嘻嘻…. 而去到 Terminal 2, 禁區後面正正就是登雞閘口, 5秒就到! 超方便! 上年要行到 gate 1xx ……勁遠! 相信這一連串安排不是巧合 總算有少少進步, 抵讚! 由於是次旅程購買了 ANA SKYHolidays Niseko Package, 所以由新千歲雞場/札幌來往二世古的車資是免費的! 只要出發前跟旅行社預訂座位就可以了!
跟據官方網站, 千歲雞場的 Platform 4 -> Hirafu 第一駐車場 #1, 但原來縱使你預先訂了座位, 也要到 Chobus - Hokkaido resort Liner 櫃檯確認 -> 工作人員就會指示你何時在哪裡集合 -> 帶你到停車場! 而不是 Platform 4 登車, 大家要注意哦!
確認座位後就改時間啦! 運氣不差! 姊姊說 OK!
接著便到 3 號乘車站搭乘 0946 第一班車往 Rera Outlet Shopping 啦 ! 每件事情都好暢順呀! 絕對不是靠運氣哦, 只是火火吩咐我做的準備功夫而已! 自己手上有齊資料就不需問人啦, 時間控制亦都容易掌握! 
所以每次出門都一大疊紙….. 正所謂 “他人笑我太瘋癲, 我笑他人看不穿” 哈哈哈….. 
Rera Outlet 兩年前大減價的時候來掃過, 超平!
今次匯兌 8.5, 又沒有減價! 竟然空手而回 不過 outlet 真的很大! 逛得很舒服! 逛了3個小時就折返雞場集合啦! 話說剛才點名的時候工作人員會告訴你乘哪班車, 到時候就去找2號牌仔的工作人員點名排隊! 剛巧同一時間有4架車往二世古出發! (想不到三月還這麼熱鬧哦 ?) 火火很擔心上錯車呢 ?! 因為1號仔又去Hirafu喎! 
但剛才2號仔名單有我們的名字喎! 唯有照跟啦! 職員帶我們到雞場的停車場登車後, 火火仍舊不安! 
因為 hirafu 太大了, 搭錯車的話會很麻煩, 唯有再問司雞叔叔啦! (原來只是我們心多! ) 放心哂就開始 Zz….zz….. 
途中有一個休息站, 約 1700 差不多抵達 Hirafu 的時候火火又不安啦!
他問下車後怎樣找 shuttle ? 哪裡找 ? 唉….. Email 話下車後同一地點再轉 shuttle! 心想: 那停車場又不是巴士站, 到時自己找 NisekoLandmarkView 架車囉! 他又問, 我們改了時間, 酒店會否來接我們?! 吓….. 
我鬼知咩 ? 我去過咩 ? 我住過咩 ? 幸好我們一埗下車箱, 酒店職員已拿著 NisekoLandmarkView 的字牌在我們面前了! YEAH!!!
心想他遲一步我都被人哦….死啦! 哈哈哈…… 因為那時大風大雪, 四周又無瓦遮頭! 十分狼狽! 大約 2mins 車程, 就抵達我們的酒店啦!
當打開房門那一殺那, 大家都嘩…… 左一聲! 好靚仔呀!!!!!!!!!!!
火火很意外!! 沒想到我們的房間又大又靚!
因為整個行程所有酒店都是我挑選的! 雖然我在網上已看過一些照片, 知道大概是怎樣! 但沒想到面積會這麼大! 相信有一千呎呢! 客廁 -> 好好呀! 不用爭廁所! 而且很大哦….
主人套房 -> 兩張3呎半床 + 一個浴室, 我們用作雜物房, 擺放行李!
客廳 -> 有一個大露台, 面向松樹, 每天都望著飄雪吃早餐
飯廳 -> 廚房的用具多過我屋企呀! 陰功!
微波爐 + 飯煲 + 洗碗碟雞 + 多士爐 + 咖啡雞 + 茶杯 + 水杯 + 紅酒杯…… 連刨薑的刨都有呀! 吹脹! (我屋企都冇…. 嘻嘻) 火火話廚房這麼美, 怎可以浪費呢? 便決定去 Lawson 買包意粉玩煮飯仔啦! 哈哈…. 
初時還以為因淡季才upgrade我們啦! 錯啦!
原來這是最普通的房間了! Omg….. 還有 Premium Room 在4/F 以上呢! 實在太不公平啦!!! 為何同一個天空下….. 香港… 
今晚一人一張4呎單人床 (客房的床大過主人房少少 ) 大家躺臥攤開雙手竟然拖不到對方呢 ?! 哈哈哈…..太幸福啦 !!!
多謝火火….NEXT —> DAY 2 : 二世古滑雪仔
沒有留言:
張貼留言