13' 京都紅葉美4日 ~ 京都嵐山

2/12/2013 (二)



哎呀!!  京都紅葉景點那麼多... 你竟然只安排一天?　 這避免太浪費嗎?


哈哈....  一來時間有限, 二來火火覺得看過最爆的就可以了..... 其後再多看兩個, 三個, 四個寺廟都沒太大分別!

而我嘛....  汲取過上次看櫻花的經驗; 知道要收費入場的景點未必如想像中那樣美, 橫街窄巷的反有驚喜!  ( 要是這回又被火火說中街頭的紅葉跟場內的同樣精彩就慘啦!! )

所以先選定心目中要收費的紅葉景點作後備, 若然自由入場的寺廟和街頭都令人失望, 才購票入場吧! 嘻嘻.....

早上十時, 嵐山一帶已經非常熱鬧...  渡月橋那邊望過去一個一個紅色黃色的波波好得意哦!

以下這個 " 京都, 嵐山 " 觀光網站非常好用! 地圖清晰, 景點資料詳細, 提供多條紅葉散策路線! 預留一天逛盡嵐山景點一定十分精彩!

(上圖) 寶嚴院為非公開寺廟, 但紅葉季節就會特別開放予大眾! 嵐山很多地方都有它的 POSTER 作宣傳! 我們站在院外也深深感受到何其火紅, 何其茂密! (因圍場不高)

13' 京都紅葉美4日 ~ 奈良公園

1/12/2013  (日) 8-14度


昨日起開通了 Kansi Thur Pass ( 3 Days ) = 5000yen, 雖然真正慳不了很多銀兩! 但不用每次排隊買車票已賺了時間和方便啦!

先去東大寺, 沿途已見很多隻鹿仔! 入寺前的商店街很熱鬧! 幾乎有鹿仔的地方都會聽到笑聲和呼喊聲! 哈哈.....

東大寺是全世界最大木造建築物, 已被列入為世遺! 雖然沒有入內參觀, 但單看外表已夠份量了

13' 京都紅葉美4日 ~ 大阪箕面公園

1/12/2013 (日)  9-14度


12月都仲有紅葉?  對哦.... 仲好火紅添! 嘻嘻....

訂雞票前先去 < 京都清水寺 > 網頁查看今年夜間參拜時間.... 因為某些寺廟會特別開放夜間於櫻花或紅葉最當令欣賞之時! 所以跟這 " 期間限定" 就最準確啦....

噢! ( 15/11 ~ 8/12 ) 比往年遲了一星期哦.....


< 大阪箕面公園 >  為大阪近郊欣賞紅葉最好的地方! 安排一個上午就可以了! 而且交通方便!

感覺好像上年去首爾道峰山一樣! (上圖上) 步出鐵路站, 往人朝方向走就可以了
(上圖下) 上山兩旁全是小食店, 登山用品店!

古法燒魚呀!!!  望見都想食.....  不過炒栗子, 關東煮, 燒腸仔都不及又一個 " 期間限定 " ~ 紅葉天婦羅!!! (上圖左下)    對哦.... 200yen 一包!!

火火不停說:  有無攪錯? 咁都得? 去邊樀呀? 有無洗乾淨呀?    哈哈哈哈! 笑SI我......

13' 京都紅葉美4日 (美食篇)

大阪 ~ 和幸クリスタ長堀店 


大阪市中央区南船場２長堀地下街１号内　Ｂ１

營業時間: 1100~2200 (L.O. 21:30)



" 和幸 " 算是我們從 2006 年第一次遇上之後, 直到現在還會久不久嚷著要吃的店子!

日本人 " 不時不吃 ", 時令當造的食材又平又多又靚;  為了讓大眾享用當前最美味的食材也好, 為了讓大量當造食材去得更快也好, 甚至這只是食店的宣傳手法也好,  " 期間限定 " 這詞語因而誕生了!

而站於顧客立場, 這詞語就好像 " 手快有, 手慢無 " 一樣! 明明可有可無的東西, 忽然產生興趣起來.... 兩者互相吸引著! 哈哈....


今期限定主角 ~   廣島蠔定食 1150yen 

新鮮廣島蠔沒有飛水, 直接落镬炸透至金黃色! 又鮮甜又多汁, 一個定食五隻, 白飯麵豉湯生菜即叫即添!  好味到不得之了呀!!!

豆豉排骨煲仔飯 By Le Creuset (附食譜)

上次去九州帶了兩個 14 cm Round 回家, 嘻嘻!!

今晚就試吓一人一煲飯啦!

上回用 Staub 煮煲仔飯的米水比例為 1 : 0.8, 今次用 Le Creuset  就比較到哪個鎖水功能強一點啦! 

嘻嘻….. 勝出者就是…… STAUB

因為今次用 Le Creuset 的米水比例是 1 : 1 呀!

14cm Round 好細嗎?

對呀!  不過煮一人份量就好 FIT 啦!  一杯米, 少少排骨 (嘻嘻… 數吓數吓, 都有6,7塊呀!)

因為細, 所以飯煮出來較厚身!  好好味!

男士呢?   可能要 16cm 啦!   不過我家火火話 14 都好夠飽喎!!

哈哈… 當然喲!  一杯米都兩碗飯了…

步驟 — >

Step 1 ~ 米浸水至少15mins (會易熟d)

Step 2 ~ 1杯米，1杯水大火煮滾 

Step 3 ~ 滾後攪兩下(免痴底)，隨即放材料喺面

Step 4 ~ 轉細火煮15mins 

Step 5 ~ 熄火後唔好開蓋焗 5mins  (嘩.. 原來焗5分鐘都已經有少少飯焦啦!)

窩蛋牛肉煲仔飯 By Staub (附食譜)

大家都說 STAUB 和 Le Creuset 煮煲仔飯一流!!  方便! 快捷! 好味!

16 - 22 cm 都可以煮煲靚飯 (二人份量), 如果尺寸太大, 飯就不好食啦! 
為了這煲飯, 花了一點時間爬文 ....  最後綜合大家的食譜和心得!  
今晚大成功呀!      一TAKE過! 飯焦金黃色! 無痴底! 好好味呀!!!! 

STAUB 22cm  (二人份量)
步驟 — >
Step 1 ~ 米浸水至少15mins (會易熟d)

Step 2 ~ 2杯米，1.5杯水大火煮滾 ( 米水比例為 1 vs 0.8 )

Step 3 ~ 滾後攪兩下(免痴底)，隨即放材料喺面

Step 4 ~ 轉細火煮15mins 

Step 5 ~ 熄火後唔好開蓋焗15mins，就有金黃色飯焦啦! 

簡易蜂蜜小蛋糕 (附食譜)

簡易蜂蜜小蛋糕 (附食譜)

朱古力開心果蛋白蛋糕 (附食譜)

家有瑞士蓮 99% 朱古力  x  3盒,  開心果 x 大量;  為了消滅它們, 就用來造蛋糕吧! 

今次用法式分蛋法 ~

全用高筋粉, 組織細密, 使蛋糕口感好實在! 但就少了鬆軟的感覺! 

這蛋糕宜室溫保存, 冷食!

材料: 

1. 日清高筋麵粉 - 110g
2. 泡打粉 - 1/4tps
3. 橄欖油 - 60g
4. 高鈣脫脂奶 - 60g
5. 朱古力 - 30g
6. 蛋白 - 200g
7. 糖 - 110g
8. 開心果 - 80g


步驟 — > 

1. 先裁剪適合蛋糕模的牛油紙放底部
2. 把朱古力加熱成融液, 開心果拍碎備用
3. 高筋粉, 泡打粉混合過帥備用
4. 油, 鮮奶, 朱古力融液混合備用
5. 蛋白用電動攪拌機打成粗泡狀之後, 分3次加入糖, 以快速攪至蛋白呈發泡狀態, 出現紋路狀, 最後呈小彎勾的九分發狀態即可

6. 先將造法 3的粉料約 1/2 份量倒入蛋白中, 同時加入造法 4約 1/2 份量攪拌
7. 把餘下的粉料及液體料再加入攪拌至均勻
8. 加入開心果碎並倒入焗盆
9. 預熱焗爐 180度 5分鐘
10.焗 25-30 分鐘並用牙籤插入沒有沾濕

鮮奶牛油排包 By Le Creuset (附食譜)

Delonghi EOB2071 麵包焗爐機

嘩….. 好鬆軟!  一絲絲拉出…. 真的像麵包店買回來哦…. 

只是牛油味差一點…. 嘻嘻! 當然喲! 只有 12g 嘛!

下次可以略加少少!   現在當 < 健康版牛油排包 > 啦! 

一向都愛食排包, 但人家說排包好肥呀! 

OK…. 找吓找吓!  Ee…  這個食譜OK喎! 牛油份量好少, 試吓先! 


——————————————————————————————————————————————
姊姊說在家造麵包的必殺技就是這個  <  蛋黃湯種 >  啦! 

北海道滑雪東北自遊行 - Day 12 & 13 : 告別函館東京去

04/04/2013 - 晴

宿: 淺草 Hotel Kawase Asakusa


今日一早坐內陸機去東京! 當然去函館朝市食個早飯先啦!

函館市中心搭乘 ” 空港巴士 ” 去機場好快 ~ 20分鐘 400yen!  但機場細! 別太早來 Check In 呀!

印象中禁區只有三四個閘口!  閘口前有京急線自動售賣機! SO GOOD!!! 買票先!! 稍後可以直接去坐車咯!

北海道滑雪東北自遊行 - Day 11: 青森再發現

03/04/2013 - 陰


今日行程:

1. 三內丸山遺跡
2. 青森縣立美術館

宿: Loisir Hotel Hakodate



三內丸山遺跡 

交通方法: 青森市營巴士 6番站,「三內丸山遺跡」下車! 約 20分鐘! 


繩文時代距離至今約 4000-5500年, 1992年被考古學家發現, 掘吓掘吓, 越掘越多, 原來這是日本最大規模的繩文時代遺址哦!  從展覽館的規模, 模型和詳盡資料就知道日本有多重視啦!

如此厲害, 還免費入場! 當然要去啦….   呵呵!

住宅全是半地穴式, 面積相當小!!

離地的通常是存放食物!

下圖下: 身後是最大形的房舍, 用來集會!

下圖左上: 全場焦點!! 大型掘立柱建築物! 暫時未知用途… 大多估作神壇祈福之用!

整個遺址有道路跡, 墓地, 儲藏穴, 住宅等等….. 十分完整!  都幾有趣呀!!! 值得來參觀哦…

北海道滑雪東北自遊行 - Day 10 : 角館秋田好寫意

02/04/2013 - 晴


今日行程:

1. 角館
2. 秋田

宿: ホテルサンルート青森 Aomori Sunroute Hotel 

介紹一下昨晚入住的 Comfort Hotel Akita 啦!!

位置好GOOD!  近 JR 車站! 對面是 SEIBU ! 附近有好多食肆!! 正!!

免費早餐都幾多選擇呀!!!

下圖右上: JR 車站商場    下圖左上: 都是商場!  秋田 JR站附近全都是商場!! 火火好鐘意! 嘻嘻!! 

下圖左下: 秋田米一定好高質素了….  哪裡都見到秋田米的廣告! 而這個牌子就見得最多哦.. 

今日上午逛角館, 下午返回秋田市內觀光, 夜晚就回青森囉!

角館又是 SELL小京都的地方!!    你看? 車站很復古哦….   從 JR站行去中心區約15分鐘左右!

我們發現角館有三多 ~

第一: 櫻花店舖 ~ 因為河邊長堤種滿櫻花樹, 一到春天就有很多遊客來欣賞開滿兩岸的櫻花! 因此賣櫻花物品的店舖就超級多哦..

第二: 武士家 ~ 好多好多家… 但每家都要入場費… 好貴哦…

第三: 稻庭烏冬麵店 ~ 單是佐藤養助已三四間了!!

北海道滑雪東北自遊行 - Day 9 : 八戶市場的滋味

01/04/2013 - 晴


今日行程:

1. 八戶市場
2. 盛岡市內觀光

宿: コンフォートホテル秋田 Comfort Hotel Akita


你知嗎? 我每次網遊八戶的時候… 原本不肚餓呀!! 望吓望吓…. 就越望越肚餓啦!!

一張張帆立貝… 鮑魚… 大蝦…. 嘩!!! 引死人咩!!



八戶市場

交通方法:  JR八戸駅(東口4番) 右手邊巴士站搭 100yen穿梭巴士至尾站: 八食センター



巴士未到… 逛吓先!!

下圖左上: 這對馬仔好得意! 相信是八戶的吉祥物! 很多手信品都有他們的樣子

下圖左右下:  原來東北人很喜歡這個餅! 每家紀念品店都有大量存貨! 什麼味道都有!!

Woooo……. 上車啦!!!!!

下圖左右下: 八戶市場分為乾濕貨兩邊, 每邊都好大呀!!!

嘩………….. 每樣都想食喎!!!

全個街市只有一個地方 BBQ ~ 就是 7厘村啦!! 
為了增取時間, 大家記得買齊海鮮才入場呀! 因為其收費為每人 300yen - 2hrs (入場起計)

好多朋友食髓知味, 要中途離場再加料呀!!   所以最好先買一輪哦! 

上圖左下: 費用包含餐具和調味料!   上圖右下: 餐枱有說明書教大家烹調各類海鮮的方法

北海道滑雪東北自遊行 - Day 8 : 傳說中的乳頭溫泉

31/3/2013 - 晴


今日行程:

1. 青森 > 盛岡
2. 盛岡 > 乳頭溫泉

鶴の湯 > 妙乃湯 > 蟹場溫泉

宿: Ｒ＆Ｂホテル盛岡駅前


今日要暫別一下青森啦…

一早坐車去盛岡放低行李便隨即去乳頭溫泉!


交通手段都幾複雜 ~

青森 -> 新青森 -> 盛岡 -> 田沢湖 -> 叫觀光社職員聯絡鶴の湯姊姊去  ”アルパこまくさ” 車站接我們再搭乘旅館巴士


由於羽後交通巴士和溫泉區之間的接駁車時間很疏…. 所以一定要好早出發, 才可以一日泡三湯!



下圖: JR 田沢湖站 ~ 雖然位置偏僻, 但車站好鬼大又好鬼新! 
下圖右上: 田沢湖觀光社 ~ 準備鶴の湯電話, 叫姊姊致電旅館職員去 ”アルパこまくさ” 車站接我們! 姊姊英文很流利! 大家放心!!

下圖左上: ” 羽後交通 ” 巴士售票處

下圖左上: JR 田沢湖站外觀

下圖左下: JR站右邊就是巴士站啦!   下圖右:  ”アルパこまくさ”  車站  ~ 我們就在這裡等旅館巴士

Woowoo…..  好多人喎!!!

乳頭溫泉有 7家旅館! 住客可以買一張入湯手形走均全部靚湯!! 只要去三家就回本啦!

不過我們比較心野! 哈哈… 無 WIFI, 無 Shopping, 全晚屈在旅館會發癲呀!! ( 只有 ” 休暇村乳頭溫泉鄉 ” 大堂有WIFI )

所以還是日歸比較適合我們!! 

北海道滑雪東北自遊行 - Day 6 : 泡150個蘋果浴

29/3/2013 - 晴


今日行程:

1. 函館 > 青森
2. 青森 > 弘前 (南田温泉 ホテルアップルランド )
3. りんご公園
4. 青森 Chandola


宿: ホテルサンルート青森 Hotel Sunroute Aomori


青森, 青森….. 一個經常聽到的名字, 既陌生又親切! 我們終於都來拜訪你啦!!


其實 “函館+青森”有不同DAY PASS呀! 不過我們會玩多少少地方, 所以買 JR EAST PASS 5 DAYS , 另外再買來回函館青森車票!


搭乘ＪＲ特急スーパー白鳥号 從函館去新青森只需 2小時, 但 ” 新青森” 暫時仍很荒蕪! 所以大家都會再轉乘 JR 本線去青森站那邊! 

今日主要去青森縣一個叫 ” 弘前市” 的地方! 其實她應該有個別名叫 ~  ” 蘋果市”

因為她的蘋果出口量是全日本第一!!  甚至有個 ” 蘋果批 ” 觀光MAP ~ 帶大家去食各門各派的蘋果批!
哈哈… 好得意!

既然如此巴閉, 當然有個地方讓大家認識關於蘋果的知識, 摘果體驗等啦 ~  <  りんご公園 >

其實除了蘋果, 弘前市本身都幾可愛! 街道上有很多舊樓房!

而市內人氣景點  ~ ” 弘前城 ” 既是賞花勝地,  更是日本其中一個相當有歷史價值的古城! 記得上次去岩國城的時候, 都有介紹她的芳名哦!

好啦好啦….. 要出發咯!!! 


下圖右上:  JR 青森站旁邊的購物商場 ~ LOVINA  
下圖右下: 車站對面的 ” 活彩市場 ” 有平價手信食品等!

北海道滑雪東北自遊行 - Day 5 : 登上函館山

28/3/2013 - 晴

宿: Comfort Hotel Hakodate



食完早餐, 酒店職員就送我們到 JR 洞爺站啦! 大約10分鐘左右!

趁有半小時空檔, 就去車站附近八吓…… 嘩!!!! 左行右行, 人影都冇隻! 救命…..

好得意呀! 列車未到, 職員哥哥不會讓你到月台!  大家都要在售票處等侯!

大約1h30左右就到達函館啦!!

若非想去東北,  ” 函館 ” 這地方真的不知要排到何年何月…. 哈哈! 因為函館附近沒有太多景點… 交通不便又是主因!

不過終於有好消息啦…. 過多兩年待北海道新幹線通車之後, 函館這一帶應該吸引很多了! 

放低行李後….. 立即向函館朝市進發 —-> うに むらかみ 海膽專門店

北海道滑雪東北自遊行 - Day 4 : 留壽都滑雪/ 洞爺湖觀光酒店

27/3/2013 - 晴

宿:  洞爺観光ホテル



憑劵可以去以下 7家餐廳享用早餐 ~ 開放時間, 位置, 自助形式與否全都清楚列明!
很細心哦..

我們選擇了 Crescent Hall 食 Buffet !! 很厲害呀!!!  要排隊入場!    攪什麼呀? 日本假期咩?

嘩……….. 今日天氣依然靚到爆!!!     呵呵….. 太陽伯伯:  我愛你呀!!!

好…… 去進攻 Mt. Isola & East Mt. 啦!!

留壽都個場好好玩呀! 20% Begginer 70% Intermediate 10% Expert , 所以 90% 地方都玩到!

北海道滑雪東北自遊行 - Day 3 : 留壽都滑雪 ~ Rusutsu Resort

26/3/2013 - 晴



我們最喜歡三月去北海道滑雪


第一 : 機票平  (已過新春旺季, 又未到復活節檔期)

第二 : 厚雪  (北海道11月中已可滑雪了…. 經過三四個月, 已累積了一定雪量)

第三 : 天氣穩定 (3月已入春, 比較少機會遇上大風雪)

第四 : 滑雪費用平  (已過旺季, 所以滑雪場証和用具都會較平)


好像今年我們從 < 留壽都渡假村 > 官方網站所預訂的  2D1N 滑雪套票為例 ~


包括: 

1. 免費來回札幌巴士
2. 1晚酒店
3. 早餐
4. 兩日纜車PASS (第一日早上九點開始 ~ 第二日下午五點止)
5. 小食劵
6. 免費享用渡假村溫泉設施


只是 23000 (二人價錢) , 另加雪具費用 8400yen (二人價錢)

超級平!!!!!!!!!!!!!! 


有幾平?         你知嗎?  平日旺季一張纜車One Day PASS 就要 5000yen 了!!!


可想而知這個 PACKAGE 平得十分瘋狂呀!!



08:00 集合 ~ 指吓個鼻就可以上車啦! 嘩哈哈… 好興奮呀! 第一次去留壽都滑雪咋

10:00  抵達 ~ Check In 後姊姊帶我們到房間!   因為這裡實在太大了…..

除了 Rsutsu Tower, 南北翼, 還有 Cottage, Highland Lodge, Campsite…


12:00 ~ 滑雪咯…………… 好好天呀!! GOOD!!!

留壽都有三座山,  今日先在酒店對出 AREA 熱身先… 明天進攻另外兩座山!

雪道又闊又大!! 好好玩呀!!!     讚!!!!

北海道滑雪東北自遊行 - Day 2: 苫小牧食北寄貝

北海道滑雪東北自遊行 - Day 2: 苫小牧食北寄貝



25/3/2013 - 晴


今日行程超級 Hea….. 食過北寄貝之後就逛 Outlet 啦!

所以最值得跟大家分享的只有苫小牧了!



苫小牧 ~ マルトマ食堂 Marutoma 

交通路線:  JR 札幌 -> JR 苫小牧 -> 轉乘市営バス港町線 no.23 ” 卸売市場前 ” 下車  (1h30m) 



N年前的 < 和味無窮 >  Ricky San 和徐淑敏都有介紹這店哦…   加上很多網友都說不錯!

所以我們滿心期待  —>


下圖左上:  當你見到 ” 海の駅ぷらっとみなと市場 ” 之後, 再向海邊走…. 就找到了!

嘩………….. 好多人喎!!!

報紙雜誌訪問全貼滿整個店內…… 實在太誇張啦!!!

等了半小時, 終於有得食啦!!! 

下圖左下: 生北寄貝丼  ~ 第一次食生北寄貝!  平日熟的有 ” 咬口 ” ; 生的就比較清甜爽口一點! 
下圖右下: 是日推介 ~ 雜錦海鮮丼 (1200yen)  超級巨大! 三個字 < 勁抵食 > 

好啦….. 花兩個小時 (包括排隊時間) , 來回交通費每人二千銀兩去苫小牧食北寄貝?  

只此一次!!

第一 :  巴士時間疏, 自己來太花時間了, 而且車費並不便宜….     所以若非自駕, 別想好了!

第二 :  < 生北寄貝 > 不是獨市經營嘛…. 可能這裡最新鮮, 但代價很大囉!

第三 :  抵食嘛….  對!!!!  但時間和交通費都要計算在內喎! 加加減減後可能未必抵了!

北海道滑雪東北自遊行 - Day 1 : 牛たん炭焼 利久 パセオ店

Oooooo…. 火火又放兩個禮拜大假啦!! 真開心!! 

今次選乘 ANA 航空! 要先到東京轉機哦…. 所以來到札幌已經晚上八時多了! 

無辦法啦…. 我又貪心回程想去東京Shopping 看櫻花!!! 

而且最大誘因必然是 ANA 的行李重量寬限! 每人兩件23kg呀!!!!!!  好過份囉!!!!! 
完全不怕 Over Weigh!!!   想買咩都得! 開心SI啦…. 
 

牛たん炭焼 利久 パセオ店
地址: JR 札幌站 B1/F

這是一家人氣相當高的仙台牛舌店! 火火知我喜歡牛舌, 二話不說就入去咯! 嘻嘻….

下圖: 牛舌湯 ~ 很清甜! 好好味道! 牛舌漢堡排 ~ 香濃牛味, 叫試吓囉 

主角出場啦~   牛舌大塊且厚肉, 好似食牛排感覺! 好好味呀!!!!

下次會 Encore 哦!!

Hotel North Gate Sapporo 


上年都是入住這家酒店!  哎喲.... 李雲迪又要失業了 ~ 無得彈囉!!! Wakaakaaa....


超棒的位置! 酒店升降機左邊是 Family Mart, 右邊是餐廳!  而且價錢便宜!  

今年還重新裝修了…. 讚!!!!!! 


櫃台前有各種質地的枕頭任君選擇! 如不喜愛房內的標準型, 可自行來換取哦!

芝士薯仔焗鬆餅 (附食譜)

要清雪櫃, 還有5個迷你薯仔點算好呢? 哈… 加點芝士焗個鬆餅啦! 

又簡單又快捷!  還好惹味添! 



材料: (2人份 - 12cm闊焗碗)

1. 麵粉 - 50g
2. 蛋 - 1pc
3. 芝士 - 適量
4. 薯仔 - 5個 (迷你)
5. 黑椒 - 少量
6. 鹽 - 適量
7. 芥末 - 2匙
8. 油 - 少量


步驟:

1. 量好材料, 篩粉備用
2. 薯仔洗淨滾熟 —> 壓成蓉備用
3. 蛋 + 油 + 芥末拌勻
4. 落粉 + 鹽 + 黑椒 + 芝士 + 薯仔拌勻
5. 180度預熱焗爐3分鐘 —> 焗 25-30分鐘或金黃色

香噴噴出爐啦….   火火不停說, 好香呀!! 全間屋都有芝士薯仔味呀!!