布吉自駕遊 ~ 大食篇

布吉自駕遊 ~ 大食篇 

No. 6 Restaurant
相信大家對這個名字不會感到陌生~ 但網上的評語卻好壞參半! 既然如此, 唯有自己找答案啦! 

左上: 冬陰功 ~ GOOD     右上: 炸蝦 ~ 普通
左下: 咖哩蟹 ~ 麻麻         右下: 濕炒河粉 ~ GOOD

左上: 餐廳環境        
左下: 炸蒜頭魚 ~ 蒜頭炸到卜卜脆, 鋪滿全條魚, 個個都讚好好味 ^O^
右上下: 是團長”布吉精” 帶我們去的, 他說這檔香蕉班戟最好味!

總括: no.6 Restaurant 不過不失, 價錢不是好平, 食物又不是勁好味! 若然經過不用排隊都可以, 要排隊就免啦!  

Promthep Cape 日落崖餐廳
今日天氣麻麻, 無日落! 所以水淨河飛, 但環境OK!  飲杯野, HEA 吓都幾好…. 食物都可以!! 但記得記得帶蚊怕水…..

ZEN  (Central Festival Phuket) 

終於都有雞會去ZEN啦…..  相信大家亦都去到爛啦….. 但….我第一次咋!! 曼谷分店都沒去過…哈哈哈! 因為他永遠都是我們的替補候選哦..
打開餐牌!! 大家都大叫… 嘩!!! 有無攪錯???? 太過份啦…… 痴線!!! 諸如此類啦….. 皆因實在太平啦!!! 

仲要幾好味道添!! 10 X 讚!!!!!