宿: Comfort Hotel Hakodate
食完早餐, 酒店職員就送我們到 JR 洞爺站啦! 大約10分鐘左右!
趁有半小時空檔, 就去車站附近八吓…… 嘩!!!! 左行右行, 人影都冇隻! 救命…..
好得意呀! 列車未到, 職員哥哥不會讓你到月台! 大家都要在售票處等侯!
大約1h30左右就到達函館啦!!
若非想去東北, ” 函館 ” 這地方真的不知要排到何年何月…. 哈哈! 因為函館附近沒有太多景點… 交通不便又是主因!
不過終於有好消息啦…. 過多兩年待北海道新幹線通車之後, 函館這一帶應該吸引很多了!
放低行李後….. 立即向函館朝市進發 —-> うに むらかみ 海膽專門店
今日這個海膽宴真是豐富到不得了!! ( " 和味無窮 " 都介紹過呀! )
下圖左下: 海膽飯 (大) 2940yen ~ 先講這碗大盛海膽飯
雖然叫大盛, 但SIZE普通咋! 一人一碗就FIT啦! 雖然昂貴一點, 但請相信我!!
無論如何….. 點都要叫一碗!!!!!!!!!!! 又香又鮮… 仲甜到漏!!!
救命!!!!!!!!! 好味到癲呀!!
上圖右上: 鮑魚海膽卷 ~ 好得意! 竟然是冷盤, 用魷魚包著很多很多海膽捲起, 放入冰格雪凍, 再切開一片片!
上圖右中: 芝士焗海膽 ~ 預期中好味道, 沒驚喜!
上圖右下: 燒海膽 ~ 上次在伊勢都食過, 今次仍然覺得似咸蛋黃, 哈哈!! 不過都好好味
食飽後, 用11號仔遊函館啦!
路經這家蛋糕老店, 有藉口食蛋糕啦! 嘻嘻….. 是一個很鬆軟的芝士蛋糕! 但芝士味不濃!
下圖左下: 函館著名的八幡坂 ~ 吓?! 靚?? OMG!!! 我暈啦…….
下圖右下: 這是第一個人踏足北海道的地方! 景點? 救命……… 再暈……
逛了大半日… 感覺函館好像小樽!
都是沿海地區, 有舊倉庫改建而成的購物點, 有數之不盡的紀念品, 有很多玻璃飾品, 有靚壽司魚生等等!
好啦….. 趁時間尚早, 我們決定去登山 ~ 函館山
在此奉勸大家, 請別跟我們傻呀!! 除非你精力旺盛! 時間充裕! 天氣良好就另作別論啦!
唉………. 原來好遠呀!!!! 而且這個融雪與不融雪之間的時間, 山路絕不好走!
沒有留言:
張貼留言