今日行程:
1. 八戶市場
2. 盛岡市內觀光
宿: コンフォートホテル秋田 Comfort Hotel Akita
你知嗎? 我每次網遊八戶的時候… 原本不肚餓呀!! 望吓望吓…. 就越望越肚餓啦!!
一張張帆立貝… 鮑魚… 大蝦…. 嘩!!! 引死人咩!!
八戶市場
交通方法: JR八戸駅(東口4番) 右手邊巴士站搭 100yen穿梭巴士至尾站: 八食センター
巴士未到… 逛吓先!!
下圖左上: 這對馬仔好得意! 相信是八戶的吉祥物! 很多手信品都有他們的樣子
下圖左右下: 原來東北人很喜歡這個餅! 每家紀念品店都有大量存貨! 什麼味道都有!!
Woooo……. 上車啦!!!!!
下圖左右下: 八戶市場分為乾濕貨兩邊, 每邊都好大呀!!!
嘩………….. 每樣都想食喎!!!
全個街市只有一個地方 BBQ ~ 就是 7厘村啦!!
為了增取時間, 大家記得買齊海鮮才入場呀! 因為其收費為每人 300yen - 2hrs (入場起計)
好多朋友食髓知味, 要中途離場再加料呀!! 所以最好先買一輪哦!
上圖左下: 費用包含餐具和調味料! 上圖右下: 餐枱有說明書教大家烹調各類海鮮的方法
嘩…………….兩大碟才 3100yen 咋! 救命…….
剛巧帆立貝當造…….. 超級大隻!!! 噢!!!! 蜆仔都不容忽視喎!!!
錯!!! 人家有你半隻手指公大呀! 蜆仔? 叫聲大蜆哥啦!
嘩…… 有無攪錯?!!! 帆貝立烤熟了都有乒乓球大喎! 睬!!!
仲有條魚呀…. 外表樣衰衰… 原來烤起又幾好味喎!!
我們中途都要加碼呀!! 要買多隻鮑魚來BBQ !! 嗯….. 現在想起又流口水啦!
八戶市場 ~ 好正呀!!!!
返回盛岡之後… 就沿觀光散策路線去探一下石割櫻小姐咯!!
盛岡感覺幾好喎!! 人不多… ( 唉! 其實東北那裡都少人! 嘻嘻!! )
環境幾舒服! 地理位置OK! 去乳頭溫泉又方便, 去小岩井農場又不遠, 去八戶也只不過半小時!
可以當盛岡為中心點… 以發射性形式玩周邊地區!!! 不錯不錯!!
好!! 又開餐啦…… 盛岡有三大麵! 冷麵, 一口麵和渣渣麵!!
火火話一口麵純粹玩 gimmick! 不試罷! 我就一向對冷麵麻麻地…..
所以就去食渣渣麵啦!!!
< 白龍 本店 > 是一家老字號的渣渣麵店! 店內貼滿報章訪問, 推薦店獎狀等等!!!
好……….. 先把所有食材撈起食一半….. 之後哥哥會加蛋, 加湯再加多少少渣醬…
呵呵….. 渣渣湯麵完成!! 這就是渣渣麵的食法啦….. 先食撈, 再食湯!!
食飽又行返去 JR車站…. 大約 15-20 分鐘左右啦!!
兩邊有蓋行人道都有好多食肆呀! 應該除 JR 站以外…. 這裡是最熱鬧的地方了!
上圖左右下: 臨近 JR站有個新商場! 盛岡 ~ 的確幾 OK喎!!
沒有留言:
張貼留言