今日行程:
17/6/2012 - Sunday - 旅程第三日
1. 首里城
2. 波上宮
3. 味之店三郎
4. 沖繩世界文化王國, 玉泉洞
5. DFS
6. 我那霸豚肉店
7. 國際通
8. 暖暮九州拉麵
話說每日到酒店大堂會合爸媽時, 他們都挽著三四大袋出發!! 我說: 你們去宿營呀? 野餐呀?
兩個人坐三個位明明舒服自在, 他們卻像擠逼戶那樣, 可憐到差點無位擺腳!
原來………..
綠色保溫袋: 果汁, 汽水
啡色保溫袋: 啤酒, 青酒
藍色環保袋: 水, 熱茶 實在要乜有乜………. 佩服!!!!!! 媽媽真偉大!!!
第一站: 首里城 (停車場: 2小時/ 310yen; 入場費: 800yen)
下圖左上: 未到入口, 已經見到沖繩傳統服租用店啦!
下圖右上: 花笠 ~ 沖繩傳統飾物
下圖左右下: 低調的世界遺產, 嘻嘻!!
感恩~ 今日天氣超級好! 又是藍天白雲! 我們沒有買票入場參觀內宮! 只在外圍逛下欣賞下風景! 但地方都幾大呀! 環境舒服! HEA 了一個鐘!
第二站: 波上宮
當你駛至波上宮的入口時, 前面有一條鈄路! 請繼續駛上去, 上面有免費停車場! 車位不多, 約10多個!
一個建於崖上的寺廟, 所以名為 “波上宮”! 相信遠處看來都幾有趣! 哈哈, 踫巧遇上一個結婚儀式!
第三站: 味之店三郎 (免費停車場)
不知怎的, 一家那麼高質素的餐廳為何沒有旅遊書介紹呢? 只知道報紙提過一次, 網路上的資料亦不多, 10隻手指夠數了!
不過….. 今天看到這篇文章的你有福了! 嘩哈哈哈….. 請準備好紙巾… 又要讓你流口水啦!!
日本最具名氣的龍蝦產地就是 “伊勢” ! 而 味之店三郎 就是一家伊勢海老專門店! (伊勢海老 = 龍蝦)
”三郎" 會為你炮製一系列以龍蝦為主的菜餚! 樓高三層的 "三郎" 以一隻立體龍蝦做招牌, 再看看內裡的裝潢和佈置, 就知道這樣格調的店舖, 價錢當然一樣 "高層次"!
哈哈…. 無錯!!! 單點價錢確實不是人人認為 “有價值”!!
但晚市套餐呢? 一隻龍蝦配天婦羅? 或炸魚? 或牛排? 跟前菜, 小食, 甜品約5000yen又怎樣看?
Mm…. 那又未至於高不可攀!! 不過…… 我們四個人都幾……. 如果有信用卡優惠就好啦!! 嘻嘻!!
" 小姐, 信用卡優惠就沒有了! 但我想這個比信用卡 優惠 更 優惠 的午市套餐 優惠 又如何呢? “
對啦!!!!!!!!!!! 日本就是這樣哦!! 只要餐廳有午市, 通常都有午市優惠呀!
(所以呢… 我們很愛午餐食 “靚” 野!! 哈哈…. )
好啦….. 入正題啦!! 究竟午餐有幾優惠呢 ~ 就是晚餐價錢的一半啦!! 即約二三千yen 就可品嚐晚餐同等份量的食物啦!! 抵呀!!!!!!
好…. 之前都試過類似的餐廳啦! (上次食蟹宴) 一人一個餐的份量實在太多啦! 所以今次四個人點三個餐! 果然… 份量剛好! 無浪費食物!!
開餐啦 ~ 先來小食 ~ 下圖上: 炸雞塊 ~ 好味但無特別/ 苦瓜炒雞絲 ~ 今次苦瓜有點爽口喎! OK!
下圖下: 鹽燒大蝦 ~ 好好味
龍蝦味噌湯 ~ 蟹肉味噌湯就飲得多啦, 今次龍蝦做主角, 相當鮮甜! 就算已經好飽都覺得好好味!!
噹噹噹……… 主角出場啦 ~ 芝士焗伊勢海老
嘩……….. 賣相簡直100分呀!!! 焗至金黃色輕微燶面, 芝士剛好鋪得滿滿又不溢出!
等我試下先…… ” 噢!!!! 好 Creamy 呀! “ 原來芝士醬汁混入了一些蛋黃, 好香濃! 我們四個簡直食到停不了口!! 不停食不停說: 好好味!! Yummy!! Yummy!!!
好…. 來個遠鏡, 讓大家看清楚有幾大隻啦!! 喂呀! 大佬, 2千幾3千YEN有個伊勢海老套餐喎! 老老實實, 這隻龍蝦實在好味到要說一句: 令人齒甲留香!!! 我發誓, 下次來沖繩一定ENCORE!!
下圖: 還有一條炸飛魚!! 巧有架勢呀!! 未入鏡的還有雜錦天婦羅, 壽司, 牛排…. 簡直豐富到不得了! 不得了! 哈哈….
最後當然要乾杯啦 爸爸: 父親節快樂!!
第四站: 沖繩世界文化王國, 玉泉洞 (免費停車場)
沖繩有好幾個類似的景點, 什麼琉球村, 體驗王國等等! 但玉泉洞就只此一個啦.. 原本想買票參觀! 但爸媽說看過太多強國的鐘乳石洞啦…
剛巧有場太鼓表演! 就找個靚位坐定定啦! (表演期間不可拍攝) 估不到…. 表演者相當落力! 一人分飾幾個角色之餘, 還拿著大鼓跳來跳去! 又叫到聲嘶力竭! 超級精彩!!!! 強力推薦大家!!
看過表演之後, 就逛下仿古村啦! 漂染體驗, 吹玻璃體驗, 造袋體驗…..
第五站: DFS (免費停車場)
哈哈… 無特別! 純粹參觀一下沖繩較大型又新的商場!
第六站: 我那霸豚肉店 (職員會教你停泊於對面的收費露天停車場)
美榮橋站步行一分鐘就到啦! (下圖下: 攝於餐廳前)
沖繩除了石垣牛, 還有AGU豬!! 他們可謂不惶多讓, 互爭鋒頭! 既然午餐吃過牛排啦… 今晚就來趟 shabushabu! 這店鋪有很多分店呀! 裡面還有兩位中國籍姊姊店員!! 從她們口中得知, 這店的 “涮涮煱” 就最有名啦!
下圖左下: 點了一個四人份量的AGU豬, 每個部位都有張紙條話你知: 我是肥腩! 我是背肌!
下圖左上: 餐枱上有幾枝醬汁, 又有幾款鹽! 粉紅色鹽呀!! 我實在捨不得買回家哦, 就在這裡用多點啦… 哈哈!
下圖右下: 姊姊說 : 什麼湯底都好, 一定要有個清湯! 因為食物的鮮味很重要! 我們建議你先吃原味哦…. ” OK!! “
第7站: 國際通
這餐AGU豬怎樣呢??? Mm….. 爽口! 沒有濃濃的豬味! OK! 試一次囉…
好啦…. 來到第三日, 終於有機會逛下國際通啦! 這裡的商店大部份營業至晚上十時, 晚飯後來逛下最適合不過! 雖然街道兩旁開滿商鋪, 但行一邊就夠了! 因為很多商店都是同一位老細!! 哈哈…
第八站: 暖暮九州拉麵
如果沖繩拉麵不是你的胃口! 請放心! ” 暖暮 “幫到你!!
" 暖暮" 曾經是某年拉麵選舉比賽的第一名哦! 上次去九州已見識過了! 所以今次也不會放過他的 “芝麻多蔥叉燒拉麵” 啦! 正正正!!!!!
沒有留言:
張貼留言