20/9/2016 - 晴' Day 6 (Tuesday)
風蓮湖道之駅 (Tel: 0153-25-3055)
前往根室途中經過風蓮湖, 雖知道她是根室十景 ~ 但停車純粹想去洗手間,休息一會!
道之駅有餐廳和紀念品店, 有賣花咲蟹 ^^ 1300yen一隻 ^^
嘩....... 我都未行到觀景台已經要 [嘩]......啦 ^^ 好靚呀! 好多雀仔呀! 聽聞這裡是觀鳥勝地哦...
不過靚還靚, 大家記得著長褲來哦! 我們倆長衫長褲都中招呀! @.@ 超級多蚊囉....
觀景台 ~ 從這個位置望出去.... 真係靚到 "dum" 一聲呀! 靚在邊到呢?
湖面平靜, 海天一色, 有好多雀鳥飛來飛去, 畫面有動感之餘又望得好舒服囉! 正 ^^
來到根室啦..... 無論街名地標都有俄文字呀! #.# 雖然話對面就是俄羅斯啫, 有俄國人來居住咩?
有幾多俄國人來住就唔知啦... 不過這些俄文原來是讓當地居民看呀! 因為根室政府規定當地每個學生都要必修俄文! 好讓將來收歸四島之時, 可管理當地人喎 @.@
有幾多俄國人來住就唔知啦... 不過這些俄文原來是讓當地居民看呀! 因為根室政府規定當地每個學生都要必修俄文! 好讓將來收歸四島之時, 可管理當地人喎 @.@
東根室車站 ~ 上星期去過稚內的最北端車站, 今日來到日本最東端車站 ^^
沒有電話號碼.... 在GPS用Point Out方法咋! 月台旁有一處小空地, 泊低架車影張相就走啦! ^^
沒其他東西看啦! 是超小的一個無人站 ^^
繼續往東走.... 沿途牛仔多過車仔 ^^ 見到靚景就打死火燈停低影相!
哈哈... 少人少車到這個狀況囉! 救命 ^^
當我們停車影牛仔的時候, 發現這間汽車旅館好攪笑! 每格車房外面都有酒店房間照片和價錢, 選好就泊入去, 直接在車房開門入房, 超方便囉 ^O^
北方原生花園
圍欄貼上 [溫馨提示] > 大家記得出入都要關上圍欄以免馬仔誤闖出來哦! ^^
花園好大, 但咩都冇! #.# 馬仔呢? 牛仔呢? 應該跑哂入山裡面....
唯一証明牠們存在過的痕跡就是木條上面的馬屎和牛屎啦! #.#
既然無馬仔玩, 就過對面草地吹吹風啦..... ^O^
日本最東端
一路往東走都沒遇上什麼人什麼車, 竟然來到這裡見到好多旅行團喎 @.@
圍著燈塔行到最外面, 有一間好細的木屋仔讓大家休息及觀鳥! 好細心呀 ^^
下圖右: 這個貌似馬碲鐵的東東是什麼呢? 話說一踏入根室, 已經見到滿街都是 [ 歸還領土 ] 的標語!
原來日本與俄羅斯就根室對開的四個群島所屬爭議不斷....
因此日本人就興建這個 [ 馬碲鐵 ] 希望可以盡早平息事件, 取回所屬領土啦!
唉.... 人家幾十年前話歸還兩島先, 你就懶有骨氣兩島不要, 一定要齊四島; 傾了十幾年還是無米粥, 今日就低聲下氣叫人家歸還兩島先喎... 哈! 現在普京財雄勢大睬你都哂氣啦! #.#
遠睇唔覺, 其實中間有團火呀!
八卦下先...... 原來日本當年在國後島興建過鐵路呀! 但二次大戰之後就歸俄羅斯啦!
嘩..... 這個畫面有點似英國呀衰鬼! 好靚呀 ^^
カニの庄屋
之前都講過鍾意食蟹的朋友仔九月來北海道最好, 尤其 [ 根室 ] 因為根室有季節限定的花咲蟹哦 ^O^
怎麼花咲蟹如此吸引呢? 因為牠有毛蟹的蟹黃, 鱈場蟹的肉厚味濃和松葉蟹的鮮甜多汁!
無錯啦.... 就是集三大蟹於一身! 再講.... 季節限定 + 野生捕獲無得養! 嘩嘩嘩.....
如此矜貴, 身價當然都靚過人啦! 無錯!!!! #.# 又不過, 如果你來根室食就例外啦....
皆因牠難養嘛, 賣到貴貴無人食死哂就慘啦..... 所以只要來根室就有得食又平又靚又新鮮的花咲蟹啦 ^O^
根室站旁有幾間食蟹的店舖! 網友話這間有500yen一隻喎! 嘩..... 堅呀!!! 堅有喎!
我們二話不說一人一隻! 嘻嘻!!! 雖然細細隻, 但果然好鮮甜好厚肉喎! 正呀!!!! ^O^
根室站前面有免費停車場, 食完過對面又八卦下 ^^
哦.... 原來是觀光中心和巴士售票處, 還有一間紀念品店 ^^
酒店對面是免費私家停車場, 距離火車站有段距離, 不過無關係因為那邊比較靜,
反而這邊好多小店, 鈄對面是AEON添!
房間面積OK呀!
聽聞這間壽司店好厲害呀! 東京分店經常大排長龍, 今日就來本店試試囉 ^^
放心, 有英文餐牌! ^^ 有好多限定壽司, 例如花咲蟹壽司啦... 價錢合理, OK呀!
沒有留言:
張貼留言