18/9/2016 - 晴 Day 4 (Sunday)
太好啦!!!!!!! 終於天晴啦! ^O^ 藍天白雲喎, 當然要去多次啦 ^O^
經驗再一次告訴我... 如果某些景點好想去的, 最好在當地留一晚哦! ^O^
下一站: 網走感動朝市 (0830-1000)
每年只做3個月的朝市, 位置偏離市中心! 若非自駕就要坐的士啦!
我們好幸運哦... 趕到來感動一下, 因為人家明天last Day啦! 哈哈! 不過這個超人氣的朝市嘛.....
有少少失望, 規模有點細喎! 我還以為超人氣會超大添 #.#
左邊熟食檔, 右邊賣乾貨, 中間有一兩檔遊戲攤位啦! 不過夠哂企理, 好適合大人小朋友來開餐哦!
下一站: 網走監獄 (0800-1800) Ticket: 1080
網走監獄, 北方民族館, 流冰館全都在山上; 點與點之間話遠唔遠, 但要你行都幾痛苦! @.@
網走監獄應該是整個網走最受歡迎的景點啦.... 地方好大!
好多資料館, 模擬情景室, 我們不知不覺都逛了2個半小時!
幸好上次沒有帶婆婆來, 否則以她的速度, 應該行4個鐘都未行完! 嘩哈哈... ^^
監獄入口左邊有食堂, 裡面亦都有! 兩個地方都有 [監獄定食] 讓遊客試試! ^^
好幸運.... 我們遇上 [收穫祭] ,有小食和遊戲攤檔! 都幾熱鬧呀! 叔叔還邀請我整爆米花.... 把米和糖倒入特製機器, 然後不停攪動直至適當溫度就大力拍打開合器.... Bomb 一聲! 烘熟了的米花就好像火山爆發一樣噴出來啦! 哈哈哈... 好攪笑呀!
之後叔叔就會分成小袋請我們食啦... 衰鬼! 都幾好味呀! ^O^
下圖左: 監獄設計好開揚 ~ 雖然左右兩邊房面對面但看不通呀, 因為當一邊木條向左放, 對邊就會向右放!
這個設計就可以防止他們互通訊息而監守人又可以清楚看到裡面情況啦!
除了認識到從古至今的監獄生活情況, 還展示了監獄內的法院, 接待處, 職員住宿環境及囚犯的貢獻等等!
好精彩喎 ~ 1080yen! 好抵呀! ^^
之後去北方民族館, 去到售票處望一望右邊的Floor Map! Oh My GOD.....
原來眼前的這個展覽廳就是民族館的全部!!! 除了相片和少量古代用具就沒其他啦....
哈哈! 可以慳返550yen啦 #.#
下一站: 回転寿司かに源 Tel: 0152-43-8383 (1100-1430/ 1630-2200)
人氣迴轉壽司店 ~ 除了平靚正之外, 大廚作風大膽, 會用好多得意食材製作壽司呀!
當然啦... 你有勇氣與否就另一回事啦! 嘻嘻! 壽司中規中矩,
反而印象比較深刻是 [咖哩炸尤魚穌], 好好味喎 ^0^
下一站: 道之駅
除了一般道產紀念品之外, 裡面有游水蟹和各類急凍海鮮! ^^ 最特別莫過於有齊網走, 知床等等的啤酒!
格過... 這裡最平! 而且還有禮盒裝添 ^^
下一站: 流冰硝子館 + 網走番屋
玻璃館內的製成品全都是用回收物品再造呀! 可以重新給予生命的感覺好好呀....
有時間的朋友仔還可以參加體驗課堂喎! 旁邊的網走番屋有幾間餐廳和一間道產店,
裡面同樣有游水蟹和急凍海鮮!
嘩..... 今晚住民宿可以自己煮飯就正啦 ^^
下一站: 網走 Shopping Area
( 駒場ショッピングタウンAddress: 0152-61-4550)
網走市中心沒有商場購物街等地方, 當地人要買東西就要駕車來這裡啦!
這個購物區有齊家品店, 藥房, 電器, 超級市場等等! 幾好逛呀! ^^
下一站: 網走海鮮市場 (1000-1700)
前往知床最後一站可以買道產品的地方 > 什麼昆布, 元貝..... 有買趁手啦!! ^^
下一站: 遠音別橋
九月份是三文魚回游產卵的季節哦... 這幾天經過好多地方都可以觀看! 不過我選擇 [遠音別橋],
因為它是前往知床必經之路嘛, 而且它比較有規模, 旁邊有一個大停車場 ( 別的要泊在路肩呀! )
又可以沿樓梯落到河邊近距離慢慢觀看 ^^
我們初時什麼都看不見, 懷疑三文魚是否已回家休息呢?! 後來再細心觀察...
噢!!! 原來灰色那些就是三文魚啦! 再望遠少少, 原來有好多好多條呀! 哈哈!!!!
可是我們一直等... 他們都未跳起喎 #.# 又凍又大風.... 最後唯有放棄!!! @.@
下一站: 知床八景雙瀑布
觀賞完三文魚, 順道就會來到雙瀑布啦! ^^ 由於瀑布位置好近高速公路, 走幾步就到啦....
所以好多旅行團前往哦! (這邊有停車場和洗手間哦)
下一站: 知床世界遺產中心
觀光中心好大好靚 ~ 市中心地圖, 知床簡介, 最新情報等等都可在這裡找到!
尤其自駕的朋友 > 記得留意 [ 最新情報 ] !!!!
好像這幾天公眾假期為例, 前往 カムイワッカ湯の滝 的路將會暫時封閉,
禁止私家車駛入, 旅客只可以乘搭接駁巴士前往!
下一站: 知床ノーブルホテル
這是整個旅程最貴的一晚 ~ 無辦法啦! 適逢公眾假期, 人家連休幾日嘛....
幸好! 酒店各方面大家都好滿意! ^^
雖然房間有露台, 不過天氣很冷無出去 ^^
房間採乾濕分離設計, 入門口左邊是浴室, 右邊是洗手間
火兄好欣賞今晚自助餐這塊牛排!!!! Kiss Kiss ^O^ 大廚的確做得非常出色! 剛剛好五成熟! 肉質好嫩滑!
火兄話單憑這塊超水準的牛排就已經值回票價啦.... 最後食多一球 [波水汽水味]雪糕.... 大滿足呀 ^O^
沒有留言:
張貼留言