28/3/2012 - (Wed) 旅程第 5 日 晴, 11-16度
比利時三月底的天氣不錯哦…. 平均10幾度, 晚上7時才開始入夜! 感覺很好!
大文豪雨果曾經多次讚賞 “布魯塞爾大廣場" 為歐洲最美麗廣場! 可能大家的審美眼光不一, 但肯定的是 ~ 1998年已被評為世界文化遺產啦!
”MOOK 荷比盧" 旅遊書 (公共圖書館: 特大書籍) 精簡地介紹了各棟建築物的故事! 哪一棟是天鵝商會呢? 肉商會的標誌又代表什麼呢? 我們坐在廣場中央的石春地上, 火火拿著影印本在旁逐一解說! Thank you!
母狼故仔呀!
下圖右上: 尿尿小童出場啦!!!!
話說當年大廣場發生一場大火, 有一個小童潵一個尿就撲息了! 從此, 這位尿尿小童就成了當地英雄啦! 故事雖然無蹊, 但其商標已廣遍整個國家! 彷彿尿尿小童就代表比利時一樣, 甚至各國都為他度身訂造一件禮服來! 可想而知其認受性有幾高呢!
下圖: 當大家為尿尿小童拍照的時候, 都會發現很多遊客在水池邊食窩芙! 無錯啦…. 因為旁邊有一家很著名的窩芙店!
嘩…… 忌廉多到呢!! 豁出去啦!!! 肥就肥啦!!!
香蕉忌廉, 士多啤莉忌廉, 朱古力香蕉士多啤莉忌廉都有! 嘩哈哈…. 我們點了一個朱古力士多啤莉忌廉窩芙 Euro 5 ~ 很難食!!!!!!!
嘩哈哈…. 忌廉多得太過份啦! 隻叉又細!! 窩芙又脆!!! 點食呀???? 結果食到 “LIE” 哂野… 隻手又掂到忌廉, 個鼻又有朱古力! 哎呀!!!
笑SI我們!! 
溫馨提示:
普通點一個朱古力醬窩芙就好了! 因為好味的不是鮮果, 而是窩芙本身的餅! 好好味!
比利時朱古力 ~
基本上大廣場一帶, 所有店鋪都是賣朱古力, 手信, 朱古力, 手信……. 朱古力和手信
嘩哈哈!!!Godiva 和 Leonidas 都是香港人熟識的牌子! 但其餘的又點揀好呢?
Pierre Marcolini Chocoltier ~ 日本人至愛的牌子, 還有限定季節味道! 最早把介子放入朱古力令情人驚喜的公司
Wittamer Chocolte ~ 皇室御用, 口感香滑; 蛋糕甜而不漏!
Galler ~ 1994年榮獲比利時最高榮譽皇家認証!
Neuhaus ~ 以朱古力味極濃而廣為人知, 尤其它的Truffles更是極美味! 始創包函朱古力!!
Cote d’ or ~ 比利時人心中的第一名
La Cure Gourmande ~ 提供無糖朱古力
Godiva 價錢比香港差不多平一半! 但朱古力飲品就一樣! 如果大家想在 Godiva 大量入貨呢!
可以到 Godiva Factory Outlet ! 這裡主售差不多到期的貨品! 大家留意日期就可以啦!
Address: Jetteselaan 4, 1081 Brussels (near Simonis/Leopold II station) = 1000 - 1800
下圖左上: Hotel The Moon 旁邊有條購物拱廊, (下圖右上) 行入去第一個街口轉左就到海鮮街啦!
下圖左下: 沿著海鮮街不到 5 分鐘就會見到右邊的 Chez Leon
這是一家很趣怪的餐廳! 比利時起家, 但法國把它揚名天下! 哈哈… 所以你會發現法國很多分店, 但比利時就只得小貓幾隻!
這是我們第三次幫襯啦! 因為……平靚正!!
火火點了一個白酒煮青口, 我點原味! 超多芹菜!!! 我記得在巴黎吃的那個沒芹菜哦!
現在都好味道! 但有點中國FEEL囉! 哈哈…. 白酒那個好好味呀!! 最好味竟然不是青口!! 而是…………. 炸著條!!
你知道嗎? 炸著條可是比利時人發明呀!!! 不要以為 French Fries 就跟法國有關! “French” 又解作把食物切成細條! 以前冬天魚穫少, 婦人就把薯條切成細條炸來充飢!
比利時政府有幾重視薯條呢? 他們規定薯條必定要分兩次炸! 炸完第一次要放涼, 待完全乾身先可以再炸第二次! 這樣才會外脆內軟! 每年都會派人抽查! 如食店的薯條未能合格! 就會頒隻黑豬給你啦…
今日的薯條真是脆卜卜, 裡面又JUICY!!! 好味到呢……. 又添多碟!! (套餐的薯條是任添呀!)
總共掃了3大碟!! 超級滿足!!!
" 10個LIKE! " 
下圖: Chez Leon 門口轉右, 約10步路轉入右邊的橫街, 行到最尾位置, 就見到尿尿女生啦! 個人覺得很醜怪囉!!! 找不到就算啦…
沒有留言:
張貼留言