17/9/2016 - 雨 (13-21度) Day 3 - Saturday
出塚水產 (0830-1730)
類似紀文那些炸魚餅公司啦! 火兄好鍾意食紀文呀, 所以今日帶他來食早餐! 哈... 不要誤會哦! 這裡沒有餐廳呢...
記得上次參觀過一間炸魚餅工場好大, 好多款魚餅試食嘛.... 我就打算A款試一粒B款試半粒, 早餐夠呀啦! 嘻嘻! ^^
我以為 [出塚] 應該規模不少啦... 去到嚇一跳.... 好細喎! #.#
入到店舖見到可以試食的種類不多, 有幾個靚太圍著右邊不停夾不停夾 (下圖紅圈)
帆立貝魚餅, 腸仔魚餅, 蟹腳魚餅........ 咩都有! 好攪笑 ^^ 竟然魚餅店都有賣乾元貝? 買2包先 ^^
上2/F八卦下啦.... 原來有休憩間, 熱茶招待! 好體貼呀! ^^
再行入少少 > 兩邊貼滿公司簡介, 演變過程, 照片等等, 之後就去到工場啦! ^^ 10分鐘左右逛完啦!
參觀完畢就落去跟靚太們一起夾啦.... 哈哈! 其實我也不清楚價錢啦...
只知道她們夾得好瘋狂似不用錢一樣, 我又起勢夾囉! ^^ 夾了4,5塊... 二人份量的輕便早餐啦
112yen @.@ Oh my GOD!!!!! 我沒有打錯啦.... 112yen呀!!!! 痴線呀!!!!
以我估計呢... 應該是昨日賣剩的少量貨存, 所以今早一開店就來趟 [ 大速銷 ] 囉! ^^ 放心! 無腥味 ^^
紋別冰海展望塔 (1000-1700) Ticket: 800yen
下圖下: 去展望塔一定要坐官方的接駁巴士呀! 行去櫃檯跟姊姊講, 她們就會給你安排啦!
這裡就是冬天乘搭破冰船的地方啦 ^^
下圖下: 火兄就是為了這層海底世界上繳1600yen啦! @.@ 唉.... 望見這塊玻璃窗就想打人啦....
幸好不是我話要來參觀啦! 呵呵 ^^
^^ 忘了今日是什麼公眾假期, 日本連休3日 ^^
展望塔都有響應有關節日, 但凡今日頭50位參觀者都可以用500yen到池缸拿走一條魚!
(下圖左上) 哈哈... 你看對面那位妹妹, 好大條魚呀!!! 超值!!! ^O^
紋別蟹鉗 YesYes.... 好特別的一個 Check Point ^O^
下圖右下: 道の駅! YES! 這間平平無奇的就是道の駅啦! @.@
マルカイチ水産株式會社 (1000-1600)
它佔了紋別一半出產量的松葉蟹, 毛蟹和鱈場蟹 ~ 直賣所附近全是它的工場, 好巴閉! ^^ 餐廳在旁邊樓梯上一層!
11:00 ~ 一個人都沒有?! 可能今日公眾假期, 大家未訓醒 ^^ 嘻嘻!
放心! 有英文餐牌 ^^ 我們點了 1個SET A > 1隻鱈場蟹 + 1個雜菜包 + 串燒2枝 + 2隻蝦 + 2個飯團 + 2碗蟹肉湯
另外點了 1碗蟹肉飯, 2粒帆立貝, 2隻螺 = Total: 6400
Oh My GOD...... 有沒有見過蟹肉飯蟹肉多過飯? 痴線呀.... 好好食呀! 1200Yen一碗咋! 唔食俾阿媽打呀! ^^
主角出場啦 >>> 熱辣辣鱈場蟹 ^O^ 好鮮甜呀!!! 最鍾意熱辣辣即場煮熟來食, 絕對不能跟雪凍相比哦!
今餐好滿足呀! ^^ 地方乾淨坐得舒服仲好抵食..... 來紋別的朋友絕對不要錯過呀! ^^
太陽の丘えんがる公園「虹のひろば」(0900-1700)
下一站去太陽之丘找向日葵姊姊哦.... 可惜每日都間歇性落雨.... 救命 #.#
噢..... 草地上舉行幼稚園活動?! 嘩... 好大雨喎! 換轉香港, 一定取消啦!
左邊有一千萬棵向日葵呀!!!! 不過無我份啦.... @.@
離開之時, 雨勢開始變弱了... 即刻落車在公園門口跟他們 say HELLO 影張相先 ^^
哈... 不要少看公園門口這片花田哦... 都幾大呀! 最重要是不用入場費嘛.... 嘻嘻 ^^
旅程重點 >>> 九月限定 ~ 網走能取湖
GPS: 能取の荘 かがり屋 Tel: 0152-47-2301
無錯... 我們就是為了這片紅海專誠來北海道呀! ^^ 正所謂不時不食不時不去嘛.... 嘻嘻!
今次選擇九月來北海道認真正到爆炸呀!
7-9月食花咲蟹; 9-2月食毛蟹和鱈場蟹 > 好似我們一樣LIKE食蟹的朋友仔9月來就最適合不過啦, 可以食齊三款蟹嘛 ^O^
還有蜜瓜, 香印提子呢... 全都是當造期.... 又平又靚又多選擇 ^^
每年九月中網走觀光部都會為這片珊瑚草舉辦2日嘉年華呀! 今年 第53回能取湖さんご草祭り為 10/9 & 11/9,
每年舉辦日子都不同, 記得上觀光網頁查看啦! ^^
現場都幾紅呀.... 只可惜今日天氣認真麻麻, 不停落不停落, 來到停雨可以落車逛逛已經好感恩了! ^^
其實這種草好多地方都有, 不過那麼一大片就只有 [ 能取湖 ] 啦....
[ 船長之家 ]
好多年前與家人來網走的時候已知道這家民宿的 蟹宴是超級豐富的,
今次終於有幸自駕來試試囉! ^^
二人一泊兩食共: 17280yen
~ 傳說中的蟹宴出場啦 ~
聽聞你無可能影均全部菜式呀! ^^ 因為姊姊會先上八成, 其餘在你拆蝦拆蟹期間再一一端上 ^^
無錯啦... 雙手沾滿蟹肉又怎能舉機拍照呢 @.@
老老實實... 菜式真的非常非常多, 除了毛蟹比較細隻之外, 松葉蟹及鱈場蟹都好大隻! 火兄覺得毛蟹最好食, 夠鮮甜; 而我就覺得鱈場蟹啖啖肉吸引點! 三大蟹最普通算是松葉蟹了 ~ 肉淡又不太鮮甜, 唯獨有雙長腿囉... 所以如果你食量有限呢.... 要識得怎樣分先後啦 ^^ 好啦.... 豐富還豐富, 我們一致認為中午紋別那餐比較好食囉 @.@
因為新鮮熱辣的蟹肉真的美味十倍; 菜式確實多到數不清, 但全都是凍的... 比較趕客囉! @.@
總結 ~ 價錢實惠但地點偏遠, 種類豐富不過別期望過高囉! ^^
沒有留言:
張貼留言