12/4/2016 - 晴 (13-17度) - Day 5 (Tuesday)
1997年被列為世界文化遺產! 1999年成為 國家公園! 越來越火紅的五漁村之間有火車連繫, 3-4分鐘就到下一條村, 快捷方便! 國家公園亦提供了多條不同程度的健行路線讓大家走走哦 ^O^
從熱那亞過去最近的漁村是 >>>>
1. Monterosso Al Mare ~ 面積比較大, 有停車場, 適合自駕朋友作為住宿點 >
2. Vernazza 有色彩繽紛的房子 >
3. Corniglia 位於高山之上, 四周都是葡萄園 >
4. Manarola 最多人拍照來做 Poster的地方 >
5. Riomaggiore 最多遊客又熱鬧的地方, 因為最近比薩和彿羅倫斯
Monterosso Al Mare 的酒店好貴 ~ 除了瑞士, 這是旅程入面房間最細又最貴的一晚 #.# 最可怕的是 ~ 它只是一間民宿!!
Villa Caribe Monterosso Al Mare
(免費WIFI/ 免費私家停車場/ 雙人房一晚 100Euro)
今日8點半出發, 10:30左右到達 Monterosso Al Mare ~ 民宿主人打掃房間中 ^^ 民宿無電梯, 要搬行李上2/F! 可能之前幾晚都太舒適了! 爸媽見到無電梯, 房間又細, 臉色有點難看 #.#
嘩哈哈.... 從5星級酒店到劏房, 分別又實在太大既! ^^ 我們泊好車就去小鎮中心啦!
越來越多遊客到五漁村啦... 小鎮負荷不到每日大量遊客, 聽聞要實施人潮管制哦 @.@
因為當地設施配套不足加上受天災破壞, 非常影響當地居民生活! #.#
剛才從熱那亞來五漁村的時候, 彎多路窄! 好多對頭車, 每次轉彎都要特別提高警覺!!
兩位未體驗過歐洲山路的後座乘客不停問....
兩位未體驗過歐洲山路的後座乘客不停問....
到未呀? 去邊呀? 有咩睇呀? 邊有行山徑呀? 行馬路呀? @.@ #.# &.& >.<
溫馨提示: 如果要帶爸媽去五漁村, 或者對自已的駕駛技術無信心, 住Levanto坐火車入去啦 @.@
因為我們平日去都遇到不少對頭車, 大家都好小心駕駛, 明明好短的路程都需要較多時間! 相信週末駕駛環境更加緊張, 所需時間更多! 一於慳點精神住 Levanto 啦!
下圖下:Monterosso Al Mare 地標 ~ Atlas 石雕! 好勁呀! ^^
我們繼續沿海邊行去市中心, 原本想食個午餐先行山, 不過好多餐廳12:00才營業 #.#
又話 Monterosso Al Mare 最大既? 竟然沒有Carrefour, 只有這間小型超市 #.#
大家決定行完食個大午餐.... Monterosso Al Mare >>> Vernazza - 3.6Km! 出發!!!!!!!!
這條行山徑最受歡迎, 但Tripadvisor 有人留言話難度不低, 有一定危險性! 所以我當初都有少...少... 擔心!
不過現場所見, 成個山都是人... 即刻安樂哂啦!!! ^^ 好誇張呀! 完全無想過平日有那麼多遊客行山喎 @.@
大部份都有圍欄既, 比例 7: 3 啦! 全程不停上上落落, 好多樓梯呀!
中途有小攤檔添! 好攪笑囉! 心想: 師兄, 賣手飾? 賣水好生意D喎! ^^
YEAH!!!!!! 見到 Vernazza 啦! 加油呀!! 行快D啦!! 大叔吹色士風歡迎我們呀
嘩............. 好靚呀! 今日天氣好好呀! 感謝主 ^^
Hello! Vernazza ~
Blue Marlin Bar
Address: Via Roma 43, Ricco de Golfo, Vernazza
太肚餓啦... 無要求! 有英文餐牌就入去啦 ^^ 因為它不是 Restaurant, 所以沒有服務費哦 ^^ Total: 40Euro
右上角: Pizza: 7Euro ~ 遊意大利食Pizza才是王道嘛! 又平又大又好味 ^O^
左下角: Gnocchi 芝士茄汁麵團: 8Euro ~ 嗯.... 口感麻麻地! 好淋! #.# 認住 Gnocchi 這個字下次不要點啦 #.#
右下角: Trenete Al Pesto: 10Euro ~ PESTO 是當地一種道地醬汁: 以九層塔, 蒜泥, 黑椒, 松仁, 拌入橄欖油和芝士製成的! 都幾好味呀!
2011年慘遭泥石流破壞.... 現在還有幾條行山徑未復修完畢! @.@
小鎮有好多個檸檬園, 所以當地有好多檸檬製成品! ^^ Vernazza 雖然細, 但處處有靚景 ^^
原本打算行去第三條村 Corniglia ~ 不過姊姊要我們買一日卷 7.5Euro @! 無錯, 國家公園要收門票的;火車任搭+一日卷就 12Euro! 坐火車去 1.8Euro @/ 3分鐘! 4個加起只是 7.2Euro @.@ 既然如此, 不行啦... 火車啦! 哈哈..
下圖: Hello, Corniglia ~
小鎮最出名不是三面被葡萄園圍繞, 而是從火車站行上山的這條之字路 ^^ 嘻嘻, 可怕嗎? OK啦
好多遊客都會放棄 Corniglia, 因為怕之字樓梯! 想不到山上又幾熱鬧喎 ^^
好似我們安排2日1夜就可以上來逛下囉.... 得一日就免啦 ^^
La Taverna di Monterosso
Address: Via Molinelli 39, Monterosso Al Mare
旅程第5日 >>> 兩老開始問: 除了意大利粉和Pizza, 還有什麼選擇? #.#
其實我每一餐都有準備2-3間候選餐廳! 不過這裡真的沒有亞洲菜館, 候選ABC都是西餐, 嘻嘻... 忍耐一下啦! ^^
所以話呢.... 住 Apartment 好緊要, 他們可以煮自己想食的! 幸好兩老喜歡食麵包, 就算西餐食到寡都有餐包頂肚! 哈哈哈... 所以每餐的餐包都會被他們掃清! 哈哈哈 ^^
其實今晚這間餐廳挺不錯的, Service Charge 每位 2.5Euro ~
Pizza: 14Euro/ 鯷魚是當地名產: 10Euro/ 海鮮意粉和牛排都是 18Euro/ 一枝水: 2.5Euro > Total: 72.5Euro
沒有留言:
張貼留言