13/4/2016 - 晴 (15-18度) - Day 6 ~ Wednesday
2/F全層都是民宿主人的, 有三間套房和飯廳! 如果需要熱水或茶可到飯廳找阿姨! 她們一家住3/F! 今日早餐由阿姨負責 ~ 每人有兩個麵包, 另有芝士火腿, 蛋糕仔, 生果及咖啡! 牛角包超好味! ^O^ 又熱又脆又鬆軟 ^O^ 不過阿爺覺得兩個麵包太少啦.... 房間又細又簡陋! 一文不值! 嘩哈哈哈 @.@
其實歐洲大部份國家包括意大利都是飲自來水呀, 所以熱水煲是非必要品, 好多酒店亦不會提供; 另外牙膏牙刷和拖鞋這些私人物品因環保關係一般都需要自備! 這就是 文化大不同啦 !! ^^ 我應該預先交代清楚這些文化差異 @.@
民宿? 自己住好了, 帶爸媽去旅行還是首選 Apartment 或酒店啦! @.@
Good Morning ~ Manarola ^O^
漁村果然是漁村 ~ 每家每戶的門口不是泊車, 是泊船呀 ^^
昨日話 Vernazza 細, 原來 Manarola 更細! ^^ 我們沿右邊山路上到最高處回眸這個美景 ^^
YEAH ~ 好好天呀! 山上有公園, 墓園和免費洗手間 ^^ 意大利雖然地方比較舊, 小巷有點髒; 但講到洗手間呢.... 實在好過好多歐洲國家例如德國, 荷蘭, 法國..... 因為她有挺多的免費洗手間, 商場的洗手間亦免費!
Manarola 有超市Coop! 逛個圈就坐火車去最後一個漁村 ~ Riomaggiore ~ 落火車後要經過一條隧道去小鎮中心呀!
無講錯 ~ Riomaggiore 真是最熱鬧最多人! 未夠11:00已經人山人海! 又多遊客, 又有學生交流團, 又有公司旅行團.....
我們先去右邊看看左邊的歲月痕跡
之後過對面欣賞漁村的最美畫面
嘩!!!!!! ^O^
行落海邊, 畫面更闊 ^O^ 好靚呀! 火火話這個景最靚, 我就覺得 Vernazza 靚D! 你覺得呢? ^^
檸檬製成品和葡萄酒都是當地的手信佳品 ^^
下圖: II Pescato Cucinato Address: Via Colombo 199, Riomaggiore
這間炸魚店每日都會出海選用最新鮮的食材! 炸魷魚, 鯷魚... 總之有咩魚用咩魚啦! 好多人排隊呀! 我們食完又食!! ^O^ 之後再食檸檬撻和鬆餅, 兩老話這樣掃街開心過去餐廳食午餐... 哈哈哈 ^^
食飽逛飽就返回民宿驅車前往 Cogoleto 啦..... 我們會一直沿海體驗南法風情, 由於之後的車程都比較長, 已準備好譚詠倫, 張學友和李克勤的舊歌在車上播放, 好讓他們不會在車箱發呆啦 ^^
今晚會去熱那亞附近一個小鎮 Cogoleto! 貪小鎮沒有ZTL, 酒店又平一點! ^^ 這一帶小鎮都好有渡假的感覺! 海濱長廊, 椰子樹, 沙灘.... 好寫意呀!! ^^ 先去超級市場購買今晚食材, 他們聽見可以煮飯開心到飛起 ^O^
Residence Villa Beuca
Address: Via Frankenbergen 37, Cogoleto 16016
一般Apartment都有最少入住天數, 交接鎖匙要約定民宿主人, 又有清潔費和按金, 所以入住天數短還是酒店較方便哦! 這間算是渡假村吧! 找到它實在太幸運了! 因為它好像 Apartment 但又有酒店服務櫃檯, 沒有按金 ^^ 隨時辦理入住退房都得! 無論單人房, 雙人房或家庭房都有客飯廳和廚房! ^^ 廚房要保持清潔, 如果無洗碗才會收取清潔費! ^^
我們訂了一間家庭房 ~ 98Euro一晚 ~ 免費停車場在 Apartment 花園前面, 超級方便! ^^
渡假村大堂有免費WIFI, 房間就沒有! 阿爺一聽到房間無WIFI就睜大眼:
什麼? 怎可以無WIFI呀? 攪錯呀? 基本WIFI都無? 咩酒店來的? #@ABC... #.#
嘩哈哈哈 @.@ 實在萬萬也想不到, 原來WIFI對他們來說認真重要! (我和火火反而無所謂)
下次啦... 我下次一定記得房間內一定要有WIFI才可訂房 ^^
家庭房有一間雙人床睡房, 廳有一張梳化床, 開放式廚房, 一個洗手間!
不過爸媽見到只有一間房, 睡房是落地玻璃門, 又臉有難色了... 嘩哈哈哈 @.@
怎麼只有一間房呀? 我們睡梳化床無問題哦... 只是一晚 ^^
落地玻璃門? 外面是什麼? 是前花園哦.......
前花園? 外面是馬路喎, 即是訓街啦? .................... #.#
落地玻璃門怎開窗呀? Mm.... 如果怕打開玻璃門, 可以開冷氣哦! @.@
溫馨提示: 如果爸媽沒有住過村屋的經驗呢.... 還是乖乖訂 Apartment 或者酒店啦 ^^
雖然我們認為優點的他們並不贊同, 幸好還有個廚房! 否則又變成一文不值了 @.@
廚具好齊備, 箕基都有! 正 ^^
下圖: 爸爸媽媽煮的豐富晚餐 ^^
沒有留言:
張貼留言