5/11/2015 - 晴 8-16度 - Day 14 (Thursday)
Viktualienmarkt 露天市場 ~ 有乾貨有濕貨, 又有餐廳! 都幾大呀!
正所謂外國的月亮特別圓, 外國的街市都特別乾淨企理呀! ^^
好多餐廳都會架起帳篷擋風!
呢間茶檔好多本地人喎, 不過無座位要立食呀 ^^
睬! 茶記都有餐布枱花! 還要真花添 ^^ 好講究喎! ^^
印象中這個早餐超平! 一杯咖啡好似只需0.5Euro咋 ^O^
Viktualienmarkt 對面有一排地鋪, 主售食材 ^^ 好熱鬧 ^^
市政廳廣場 ~ 東南西北都是Shopping Mall! 難怪慕尼黑是德國購物天堂啦! 認真集中! 好好逛 ^^
廣場每日都會聚集好多遊客來欣賞木偶鐘表演呀! ^^未夠12:00? 聽聽旁邊的Live Band先囉 ^^
表演完畢, 去市政廳內園八卦下先 ^^
Woowoo.... 好多石雕呀! 慢慢欣賞下先....
慕尼黑市政廳地窖餐廳 Ratskeller ~ 聽聞德國好多市政廳地庫都有傳統餐廳!
而慕尼黑這家就比較多人認識 ^^
可能好多遊客跟我們一樣, 木偶鐘表演完畢就會前來午餐! 所以中英文餐牌都有, 放心 ^^
人氣和位置關係, 價錢比較貴, 性價比不高, 當食環境啦 ^^
飯後繼續Shopping ^O^ 編排慕尼黑作旅程最後一站實在夠明智呀!!! 叻女 ^^
行行下... 聽見有人唱詩歌... 就推開門見到這個美麗天花 ^^
好喜歡這些中西合壁的市景 ^^
擁有 400多年歷史的HB已經不是餐廳那麼簡單了, 它可是人氣超高的景點 ^^
無論國外國內遊客都會到訪哦 ^^
無論國外國內遊客都會到訪哦 ^^
歐洲餐廳一般都比較安靜, 有柔和的燈光和浪漫的音樂!
可是德國呢? 嘈過街市呀!!!!! ^O^ 尤其是傳統德國餐廳 ^O^
如果你喜歡飲啤酒, 大聲歡呼, 同陌生人搭枱傾偈, 德國非常適合你 ~
餐廳好大! 望極都有枱, 望極都有人 ~ 個個講野都好大聲, 又有 Live Band! 救命 #.# 嘩哈哈...
好辛苦先找到兩個搭枱位, 逼逼地夠坐就算啦! 嘩哈哈.... ^O^
今晚當然要飲一公升啤酒, 食豬手和白香腸啦! ^O^
老老實實..... 豬手真的又脆又多汁! 超級好味! ^O^ 這是整個行程最好味的, 第二就是班堡那家飲煙燻啤酒的豬手又是好好味呀! ^^ 講開班堡, 原來坐隔離的叔叔和嬸嬸們是從班堡來旅遊呀! ^^ 當知道我們去過班堡都表現得好興奮! 傾下傾....
我忍不住問他們: 怎麼我們每次食晚飯的時候, 都只見你們飲啤酒不會點菜? 究竟你們幾時食晚飯呀?! 他們說: 我們比較早食晚飯哦, 現在是飲酒時間! 哈哈哈.... ^O^
食完周圍逛下先....
二樓有個小型歷史館, 雖然沒有現場演奏但有人表演舞蹈! ^^ 氣氛一樣高漲 ^^
沒有留言:
張貼留言