9/4/2016 - 晴 (12-20度) Day 2 ~ Saturday
^0^ 今朝7點半!!!!! ^0^ 兩老已經煮好早餐啦.... 大家食飽出發!
每到周末, 米蘭都有很多大大小小的跳蚤市場! 今日會逛 Via Valvassori Peroni 和 Mercato Viale Papiniano! 出發前, 先去超級市場預購明天的早餐和晚餐食材 ^^ Pam 和 Carrefour 就好似香港的百X和X康! ^^
上圖下: 米蘭中央火車站 ~ 好宏偉! 明天會來坐火車去 Como 小鎮 ^^
Via Valvassori Peroni Saturday Market (07:30-18:00)
Address: M2: Lambrate Station - Via Edoardo Bassini 和 Via Carlo Valvassori Peroni 的交界為起點
嘩..... 好熱鬧呀! 生果蔬菜, 麵包, 芝士, 魚檔, 衫褲鞋襪手袋咩都有 ^^
兩老好有心機遂檔逛 <<< 經過17天相處, 原來他們最愛街市, 市集和超市 ^0^
香噴噴.... 買隻燒雞先! 5Euro隻! 皮脆嫩滑! 好好味呀 ^O^
食開個胃, 見到好多人圍住一檔賣Pizza的, 又買塊蒜蓉餅試下!
姊姊好NICE好風趣, 不停剪不停讓客人試!! Mm.... 好鬆軟, 自家製的果然特別好味道 ^^
蜂蜜, 果醬, 芝士, 好多自家製的小店, 行下行... 行極都未見街尾... 想不到市集有那麼多攤檔 ^O^ 大部份都是日常用品食品, 是一個超地道的市集, 感覺好好哦! ^^
下圖上: 回程的時候經過剛才那檔燒雞店, Woo... woo... 好多人排隊呀! 當然啦... 又平又好味 ^^
溫馨提示: Lambrate 地鐵站有洗手間, 好似 1Euro;
如果忍得.... 行去對面 Milano Lambrate 火車站售票處就有免費洗手間啦! ^^
Mercato Viale Papiniano 米蘭最大跳蚤市場 (07:00-18:00)
Address: M2: S. Agostino Station
從地鐵站上地面後, 就見到整個地區都是攤檔 ^^ 一面賣冒牌貨, 一面賣蔬果, 一面賣衫褲鞋襪....
男女皮鞋 Made in Italy 的最平 1X Euro 一對, 這個跳蚤市場好大, 但貨式普通! 最有吸引力是皮鞋了, 可惜好多是斷碼貨, 如果你對腳偏大偏小就買到平野啦 ^^
Castello Sforzesco (07:00-19:00) 免費入場
我們沒有入古堡參觀哦... 只是繞過去我掛到死的雪糕店! 嘻嘻!!
Ice bound Gelato (08:00-02:00)
Address: C,so. Garibaldi 104/ 20129 Milano
自從九年前食過這店的朱古力雪糕之後, 自此封了為 [我最喜愛的朱古力雪糕店] !
可惜只此一間, 難得重遊米蘭, 絕對不可放過 >.<
她的朱古力雪糕就好像一粒朱古力, 好香濃呀!!! 今日再食, 依然好好味! ^^
食完雪糕行多5分鐘就到 Corso Como ^^ 上次平日來無咩人, 想不到星期六要排隊入場 ^^
這店好好逛呀! 好多Crossover的東西, 平日要鎖入玻璃櫃六七萬蚊個手袋都會放在枱面隨你試揹, 幾萬蚊件衫又不會套膠袋, 好大方呀! ^^
繼續向前行, 兩旁盡是商店, 見到拱門就見到 Eataly 啦! 這是一棟兩層高的食品市場,
差不多全國意大利土產食品都有呀!
印象中米蘭好悶, 上次悶到要臨時改火車時間早點去彿羅倫斯;
但今次感覺完全不同, 好多商店區, 好熱鬧, 好精彩! ^^
Ristorante Papa Francesco Restaurant (12:00-23:00)
Address: Via Marino 7
昨日經過餐廳時, 經理好熱情和我們閒聊, 又展示他與 Jay Chow 的合照! 今晚就來晚膳! 經理極力推介T骨排, 就點兩份吧! 不過我們沒看清楚價錢, 原來11Euro/ 100gram! 結帳才知道這塊T骨重 1kg #.# 即 110Euro #.#
幸好牛排質素幾好味, 下餐慳D拉上補下啦 ^^
AC 米蘭 vs 祖雲達斯
Address: M5: San Siro Stadio Station - San Siro Stadium
買機票之前已經查看過比賽日程, 賽事原定明天下午舉行; 門票發售時就更改為今晚!
所以呢.... 如果有心來睇波, 最好預留前後一日抵達當地哦! ^^
地鐵站一出就是球場! 地鐵好多人, 要等兩班車先上到, 我們開賽前半小時才趕到! 球場外只有一個入口, 個個都圍著! 安排好差! #.# 而且要用身份證明文件核對門票上的姓名! 又不可帶水樽蓋入場! #.# 入場前遂個開袋檢查! 好混亂!!!
我記得之前看巴塞隆納, 人家球場有好多個入口, 球迷要依坐位位置到指定入口進場! 好清晰! 保安亦沒有太多限制!
Anyway.... 好興奮呀!!!!!!! ^O^ 全場滿座!!! 好好氣氛呀! 我不懂足球, 聽火火和阿爺講今晚賽事算好精彩! ^^
意大利球賽少不免的煙火環節... 嘻嘻!
沒有留言:
張貼留言