16/4/2016 - 晴 (13-23度) - Day 9 (Saturday)
雖然陶瓷小鎮有點失望, 幸好還有個聖十字湖可以拉分數! ^^ 無地址, 去陶瓷小鎮必經呀! 湖邊有個沙地停車場, 大家記得慢駛... 因為這裡好多大碎石! 萬一爆軚就慘啦.... 今日天氣好好, 好多人租船仔出去曬太陽 ^^
湖景好靚 ^O^ 簡直海天一色 ^O^ 欣賞湖景一定要好天氣!!!!! 同一個湖景, 一個陰天一個晴天, 絕對是兩個世界 ^^
嗯.... 好靚呀!!!! 又要老老實實... 現場靚好多好多 ^O^
下一站: L'o ccitane Factory Museum
沿途大部份時間都是經過這些草地行小路, 路況幾好! 多彎?? 是常識吧! #.#
L'o ccitane Factory Museum 外面好大個停車場, 博物館設施一般!
直營店貨品種類夠多, 但不是特別平! 有點失望 >.<
法國第二大城市 ~ Marseille 馬賽 又稱 [罪惡之都]
一早已經跟爸媽交代過今晚是全程最細的酒店! 因為 IBIS 無得我揀, 只得一種房間類別! #.#
[ 馬賽 ] 治安認真麻麻, 所以我好關注酒店的保安程度 ~ 特別停車場方面! 它有自己的車輛升降機! 位置GOOD!!
下圖左邊是酒店大門, 大門右邊就是車輛升降機
好可惜辦理入住手續時, 姊姊說停車場已滿!!! Oh my GOD!!! #.# (入住前我有Send Email預約車位, 可是它以先到先得形式, 拒絕了我的要求) 無問題!!! ^^ 我揀這間IBIS除了貪其有私家停車場之外, 附近還有3個室內停車場! 萬一無位都有後備!
現在後備一號要上場啦 ~ Parking Q-Park Marseille Monthyon ~ 停車場好靚仔!! 安樂哂!! ^^
Ibis 房間乾淨簡潔, 亦無想像中細! 暫時最細應該是五漁村民宿 ^^
酒店轉個街口就是大廣場, 裡面有好多餐廳! (我當然有準備候選餐廳啦) 爸媽話逛下邊間最多人就去邊間喎! 當然好啦.....
Address: 10 Rue Fortia, 13001 Marseille
前菜 + 主菜 + 甜品 = 17Euro >>> 晚餐喎!! 超平!!!!
附近幾間餐廳都是相似菜單和價錢! 要看運氣啦! ^^
前菜: 我們點了一份生蠔, 熟蠔, 法式蝸牛和沙津 ^^ 除了蝸牛, 其他都OK ^^
右上: 主菜方面: 我要馬賽魚湯 ~ 傳統菜色嘛, 試試啦 >>> 好一般! #.#
左下: 牛排 ~ 穩陣啦! ^^
右下: 西班牙海鮮飯 ~ 媽媽話好好味! ^^ 當然啦... 10日無食飯啦 ^^
燒魚 ~ 阿爺話好好味! ^^ Yeah!!! 安樂哂! ^^
甜品都有好多選擇!! ^^
食飽周圍逛下.... 馬賽絕對是法國重點城市, 好多國際商店都會選擇落戶這個港口 ^^
下圖右: 全個行程第一次見到有士兵巡邏! 難怪個個都話治安麻麻! 嗯.... 乖乖返酒店啦 ^^
沒有留言:
張貼留言