2016' 帶爸媽遊歐洲自駕遊17日 ~ Day11: L'isle sur la Sorgue 水車小鎮/ Gordes 美麗山城/ 米芝蓮午餐/ Avignon 亞維儂古城

18/4/2016 - 晴 (7-17度) Day 11 ~ Monday

Avignon 東面有好多好靚的小鎮和山城 ~ 
今日會去小鎮 L'isle sur la sorgue 和一個山城 Gordes, 之後就返回 Avignon 慢慢逛 ^^

L'Isle sur la Sorgue 又叫水車小鎮, 因為小鎮有14個由18世紀運作至今的水車! 可惜我們到訪的時間真的太早了#.# 除了餐廳所有店鋪都未營業 #.#

水車小鎮有幾個停車場 ~ 下圖左: 木屋仔不是洗手間, 是自助繳費機 ^^ 印象中費用超平 ^^

好多人都會去南法九寨溝 Fontaine de vaucluse 欣賞清澈如水的河床! 

怎麼沒人提到水車小鎮呢? 水車小鎮的也絕不失禮哦.... 

雖然我沒有去過 Fontaine de Vancluse, 但對比兩地的照片, 水車小鎮也非常清晰吸引! ^^ 

幸好我沒有安排去 Fontaine de vaucluse, 原來爸媽沒興趣 #.# 嘩哈哈哈.... 

我覺得水車小鎮幾得意! 雖然有去, 但咩都未開就要走, 有點可惜 @.@ 

下圖: 被選為 南法最美麗山城 Gordes ~ 有天空之城的美譽! 

暢銷書 A year in Provence 和 電影 A Good Year 都選用這裡為背景主題哦! 

要拍這張POSTER? 記得入城之前轉入右邊小路的觀景台哦 ^^

觀景台後 > 臨近山城入口有一個大停車場 (下圖紅圈) 5Euro全日! 城入面的露天停車場價錢一樣! 

好大好多位, 不用擔心滿泊情況! 街邊位會平少少! 但數量不多, 要看運氣啦 ^^

我估整個山城不知有沒有20間商店及餐廳! ^^ 是一個細小及寧靜的小小鎮! 風景一絕!!! 但爸媽似乎不大欣賞 #.# 

幸好車程不遠, 前往的山路也不難行, 否則我又無命返香港了! @.@

下圖紅圈: 廣場中間有免費洗手間 ^^

身後的餐廳就是電影 A Good Year 其中一個重要的拍攝場地啦 ^^ 女主角在這裡當侍應呀! 

靚 ~ 

從前古人就地取材用石頭建屋, 一個跟一個, 慢慢這裡就變成石頭村啦! 

如果對石頭村有興趣, 可以去GORDES 附近的 Bories Village 深入了解添! ^^ 

不過爸媽對石頭完全無興趣 #.#  吓? 看幾舊石? 有咩特別呀? 咪石頭囉! @.@

L'Estellan (2 Course: 21Euro/ 3 Course: 26Euro)

其實餐廳好大間, 有好大個停車場; 不過實在太低調啦! 雖然GPS顯示已到目的地, 

但我們也找不到! #.#

剛巧有一對夫婦見我左逛右逛.... 就停車問我有什麼可以幫忙?

  

噢.... 原來餐廳在前兩個街口, 車程兩三分鐘吧!

但姊姊為免我們又迷路, 就叫我們跟著他的車尾, 他會帶我們去!

嘩...... 太好人啦! ^^ 邊個話法國人高傲自大又只講法文呢? 我話不知幾 NICE ^O^  

*現在回帶想想, 今次來法國玩感覺好好, 當地人態度友善, 好親切; 與上次去巴黎相比真是兩個樣* #.#

餐廳後園 ~ 靚到呢 ^^

餐廳未入選為米芝蓮之前人氣已經相當高! 網友話一定要訂枱!!!! 

不過爸媽見到入餐廳食飯又頭痕啦...

又要一齊食完呀? 又食兩個鐘呀? 又坐到眼訓啦!

嘩哈哈哈 @.@ 哎呀! 太誇張啦... 午餐有兩個Course或三個Course選擇; 我們只揀兩個Course! 
不會花太耐時間哦... 一個半鐘慢慢食差不多啦! ^^

其實好多時主菜也不合他們心意, 可能煮法不同, 調味不同.... 以至口感比較陌生! 幸好每次甜品都令人滿意咋! ^^

亞維儂 Avignon ~ 1995年被列為世遺

14世紀時教皇逃往這裡入駐這座教堂, 之後經歷了7位教皇才遷回, 因此留下了雄偉的城牆及宮殿! 

老老實實, 這座教皇宮真的好宏偉!! ^^ 

因為一次河水氾濫沖毀了橋墩, 現在斷橋變成了景點 ^^ 

Avignon 好熱鬧! 見到 Hermes 分店就知這地方非同少可... 嘻嘻 ^^ 
Cours Jean Jaures 整條街商店林立, H&M, ZARA等大牌子都有, 反而精品店就比較少啦! 

南法到處都有的街頭小食 Crepes - 1Euro ^^ 

酒店附近有 Lafayette 和 Cap Sud Mall ~ 而遠少少的 Mistral 7 最平民! 

裡面除了大型超市, 就沒有什麼吸引的店舖了 #.#  

又到晚飯時間 ~ 今晚去另一間亞洲自助餐廳 ~ 金錢豹 

價錢跟昨日的 Wafu Avignon 一樣! 19Euro@ ^^ 但食物種類無得比! 金錢豹嬴哂!! ^O^ 

嗯... 不過我自己覺得 Wafu Avignon 味道好一點, 但金錢豹的款式就嬴哂! 一樣價錢, 又的確無理由不選金錢豹哦... 況且它的質素不差! 總之.... 兩間餐廳爸媽都超滿意!!! ^O^