16/4/2016 - 晴 (13-23度) - Day 9 (Saturday)
總結: 從康城去 [陶瓷小鎮 Moustiers Sainte Marie] 和 [聖十字湖] 的車程認真頗遠, 沿途全是多彎的山路又無景.... 靚! 聖十字湖真的靚, 但你問我... 還是留多點時間在尼斯好過啦! #.#
Marche Forville (07:00-13:00)
法國每個地方都有早市場, 昨日沒有去尼斯的, 今日來康城這個啦 ^^ 從酒店步行約15分鐘!
下圖: 08:13 ~ 無錯! 爸媽每日未到六點已起床啦! 八點左右出發算遲啦! @.@
康城這個菜市場乾淨企理 ~ 檔口夠多 ~ 朝早八點已經好多婆婆來買菜啦! ^^
好多橄欖, 臘肉腸.... 爸媽見到種類如此豐富又想煮飯啦.... 哈哈!! 3晚之後先有得煮呀! 忍下啦 ^^
街市旁邊有CAFE, 食完早餐就上山欣賞風景啦!
望過去這個遊艇景是 靚 的.... 不過唔夠摩納哥靚囉 ^^
近火車站的早市場 Marche Gambetta 就主要賣雜貨, 書籍, 衫褲鞋襪.... 似跳蚤市場
逛完去停車場 Republique Parking > 出發去陶瓷小鎮 Moustiers Sainte Marie 啦! ^^
由意大利五漁村開始, 一直沿海邊玩芒通 > 摩納哥 > 尼斯 > 康城! 所以今日會上山去兩個地方才回海邊! ^^ 從康城去陶瓷小鎮大概兩小時! 中間有歐洲大峽谷之稱的 Gorges Du Verdon !! 幸好我沒排進行程表, 因為這兩小時車程已夠難捱了! >.< 一來車程長, 二來山路多彎, 三來星期六好多電單車群組不停光速飛過.... 兩位後座乘客又問:
去邊呀? 到未呀? 山長水遠再靚的地方都唔值得囉...... @.@
好不容易去到小鎮 #.# 有免費停車場, 免費洗手間 (下圖上: 啡屋)
小鎮好細, 不過都幾多人, 精品店全是賣陶瓷哦 ^^ 食個午餐先 ^^
La Treille Muscate ~ Tripadvisor 排行第四, 亦都是米芝蓮推介餐廳之一;
一個午餐 (前菜 + 主菜 + 甜品): 24Euro
前菜: 凍湯 >> 阿爺話幾得意, 但習慣飲熱湯, 所以麻麻地 @.@
鴨肝 >> 好大塊!! 唔腥幾好味!!! 可惜老人家又怎會夠膽食呢?! @.@
主菜: 豬脾或海鮮意大利粉 >>> 豬脾合格啦...
但意粉呢! 我們覺得摩納哥那間 Bella Vita 好味好好多 @.@
甜品: 流心朱古力 >>> 全日最精彩!!! 一個椰子煎堆, 切開是流心朱古力! 好味得意! ^^
法國食一餐飯3,4小時是等閒事 ~ 先飲杯餐前酒, 閒聊一會, 每道菜遂碟上, 而且要等齊人都完成第一道才會上第二道! 這是飲食文化的差異, 人家每道菜都是藝術品嘛! ^^
菜式已經不合胃口還要等... 等... 等! 爸媽話坐到要睡著了! 嘩哈哈哈 @.@
陶瓷小鎮除了各式各樣美美的陶瓷精品之外, 還有粒星星! 相傳10世紀的時候, 有位騎士被十字軍東征時期捉走, 他發誓如果能夠平安回來就會掛一顆星星在峭壁上;
如今星星已經換過幾個朝代了, 現在這粒都有50多歲, 重150Kg ^^
如今星星已經換過幾個朝代了, 現在這粒都有50多歲, 重150Kg ^^
食飽又行上山睇靚景! 不過這段路好危險!!! 路上的石春行得多變滑了!
下圖: 你睇?!!! 星星呀! ^^ 阿爺話大老遠來看星星? 真想講一句粗口! 哈哈哈!
事實上我不是為了粒星來這裡的, 只是這一帶山城裡面這裡最有特色, 而且又近聖十字湖 ^^
下圖: 石春路崎嶇不平, 真的要握住扶手上落哦...
下圖: 老老實實, 老人家真的不宜行這路! 萬一不小心跌倒就整個行程都完了! 幸好爸媽日日行山, 經驗老到!
沒有留言:
張貼留言