8/4/2016 陰 (11-20度) Day 2 (Friday)
今次坐法國航空從巴黎轉機到米蘭 Milan Linate Airport! 這個機場比較細但近市中心, 車程約30分鐘!
[ 來往機場有兩個選擇 ]
A: 乘坐 Urban Line no.73 > Milan Piazza San Babila M1 地鐵站 (總站) 1.5Euro/ 10分鐘一班次
B: 機場巴士直達米蘭中央火車站 - 5Euro/ 30分鐘一班次
上圖右上: 機場有電話公司可以買SIM卡
我們選擇B - 乘坐機場巴士直達火車站, 步行5分鐘就到Apartment! 好方便! ^^ 其實兩個月前我已經預定好了所有酒店, 但上個月和我媽媽去澳洲玩完三個禮拜之後, 我回港第一件事就要 >>>> 重訂酒店, Apartment 優先!!!
其實我媽媽去旅行多過我, 平日在港又經常外出用膳, 無論中餐西餐日本料理, 甚至漢堡包都可以當一餐呀! 但今次每當住Apartment, 她都想自已煮! 其實只是簡單煮碟意粉或者煎牛排, 原來....... 重點是想灼碟清菜! 可能平日去旅行4,5日咩都無所謂, 但今次長假期就有點不同啦..... 始終老人家消化能力慢一點, 日日大魚大肉, 又薯條又炸野, 想清清地都好正常! ^^ 所以我估老爺奶奶都一樣! ^^
米蘭的Apartment好多, 不過要符合我條件就有點難度.... 我又要近車站, 近租車公司, 免費WIFI, 兩間房, 兩個洗手間.... 還要價錢合理! 哈!! 竟然!!!! 竟然出發前一個星期找到!!!!! ^O^ 我實在太幸運啦!!!
果然這是16晚裡面兩位老人家最滿意的住宿 ^^
Semplicemente Casa Two Bedrooms Apartment 公寓外觀
YEAH!!! 現場跟網上照片一模一樣呀! ^^ 安樂哂 ^^ (Aiya... 會不一樣嗎? 對哦... 上個月在悉尼訂的Airbnb就有不愉快經歷了, 遲些再講 #.# ) 新裝修一年左右, 乾淨企理, 一塵不染呀! ^^
大門右邊是套房, 左邊是客飯廳, 露台, 客房, 洗手間! 廚具極齊全, 煮九大簋都得 ^^
洗衣機, 雪櫃, 焗爐, 風筒, 淋浴用品樣樣齊備; 兩間房的面積都不小, 客房內有衣帽間添!
我估全屋約1500尺左右啦! 120Euro/ 一晚! 超值!!! 推介!!! ^O^ (下圖是套房)
Nerino Dieci Trattoria Restaurant (12:30-14:30/ 19:30-2300)
Address: Via Nerino 10/ 米蘭大教堂步行 750m
放低行李之後第一時間趕去這間超人氣餐廳! 點解?
9Euro 一個 Set Lunch 呀!!!!!!!!! 一個小食/ 沙津 + 主菜 + 咖啡 ^O^
Set Lunch 有 9Euro/ 12Euro! 我們點了4個 9Euro! 有一瓶大水任飲! 正!!! (堅正呀! 歐洲餐廳好少唔問有免費水你飲呀! ^^) 不過老老實實, 今日個主菜麻麻地! 但這個價錢冇加一實在可謂 平絕米蘭!!!! 難怪餐廳座無虛設! 我們見餐牌的價錢都好平民, 而且份量不小! 我們坐正出菜位, 看到碟碟都好吸引!! ^^
大家下次可以來試一個Set Lunch, 另一個就散點哦! ^^
*旅程第一餐遇到第一個問題 >> 我們點了四個餐, 有四杯Espresso!! 我和火火要各飲兩杯!! #.#
因為爸媽都不喝咖啡嘛... 又沒有熱檸茶! 嗯... 所以下次點套餐時要留意啦 #.#
Wooo..... 重遊米蘭的感覺真好! ^O^
相隔9年, 騙人的幸運繩依然存在! 嘩哈哈.... 大家要小心哦.... 去Shopping囉!
La Rinascente Shopping Mall (Daily: 1000-2200)
商場除了有免費洗手間之外, Food Court 外的露天花園可以近距離欣賞米蘭大教堂哦 ^^
所以好多像我們沒有用餐的遊客都會上來望下影張相啦 ^^
遊意大利當然, 必然, 一定要食雪糕呀! 又平又好味!!! ^^ 阿爺一向都不好雪糕, 但經過這17天被意大利優質雪糕洗禮之後, 回港後話喜歡上雪糕了! 哈哈哈.... Cioccolati Italiani 是間非常有名的雪糕店! 差不多每個遊米蘭的人都會介紹! ^^ 艾曼紐二世迴廊這分店經常大排長龍, 這裡有好多款味道呀! 開心果和朱古力都好好味 ^^
沒有留言:
張貼留言